Tapathi (တပသီ)
စကားတစ်ခွန်း
စာတစ်လုံးသာ
ရေးတတ်စဉ်ကတည်းက
ချီးမွမ်းမြှောက်စားခဲ့တာ ဖေဖေ။
ယုံကြည်မှု
နားလည်မှု
ပျော်ရွှင်မှုတွေပေးတဲ့
အရာရာတိုင်းဟာ ဖေဖေ။
ခွန်အားတွေပေး
မေတ္တာထွေးလို့
နွေးထွေးထာဝရ
မရှိမဖြစ်ဟာ ဖေဖေ။
အမည်နာမ
သူပေးသော်ငြား
မခေါ်ရက်ပေ
အမြတ်တနိုး သမီးလေးရေ
ခေါ်ခဲ့တာ ဖေဖေ။
ဟာသတွေနှော
ရီမောစေကာ
စိတ်အမောတွေ
ပြေပျောက်စေတာ ဖေဖေ။
ချူချာဖျားနာ
နာကျင်ရတော့
ငိုငြီးသံတွေ
မကြားဝံ့တာ ဖေဖေ။
တက်လမ်းအစ
ကြောက်စိတ်ခြယ်လှယ်
ရှုံးပွဲတွေကြား
ပြန်ထစေခဲ့တာလည်း ဖေဖေ။
ဖေဖေပျိုးခဲ့တဲ့ ပန်းတစ်ပွင့်ဟာ
ဖေဖေ့မေတ္တာနဲ့ လှပဆဲ
ဖေဖေ့သွေးနဲ့ ရှင်သန်ဆဲ
ဖေဖေ့ခွန်းအားနဲ့ ပွင့်လန်းဆဲ။
#Tapathi
Keep Reading