အာရေဗီယံညများ

" ဒီ မိန်းမကို အပြင် ဆွဲထုတ်သွားပြီး သတ်ပစ်လိုက်ကြတော့”


ပါရှားအင်ပါယာရဲ့ ဘုရင်ကြီး ရှာရယာ (Shahryar) က သူ့ရဲ့ နောက်ထပ် မိဖုရား တစ်ယောက်ကို ကွပ်မျက်ပစ်လိုက်ပြန်ပြီ။


နန်းတော်မှာတော့ ဒီအသံ ဒီမြင်ကွင်းဟာ မြင်နေ ကြားနေကျ ဖြစ်နေပါပြီ။


ဘုရင်ကြီး ရှာရယာ ဟာ မိဖုရားတစ်ပါးကို တစ်ညပဲ ပေါင်းပြီး နောက်တစ်ရက် မနက်ခင်းမှာ ကွပ်မျက်တာက ထုံးစံဖြစ်နေပြီ။


ဒါတွေ အားလုံးက ဘုရင်ကြီး ရှာရယာရဲ့ ပထမဆုံး မိဖုရားကြောင့် ဖြစ်လာတာပါ။


တခြား ယောင်္ကျားတစ်ယောက်နဲ့ ဖောက်ပြန်ခဲ့တဲ့ ပထမဆုံး မိဖုရားကို သတ်ပစ်ခဲ့ပြီး နောက်ပိုင်းမှာ ဘုရင်ကြီးက မိန်းမတွေ အားလုံးဟာ သစ္စာဖောက်တွေ ဖြစ်တယ်လို့ အထင်အမြင်လွဲမှားပြီး မိန်းမတွေ အားလုံးကို မုန်းတီးနေခဲ့ပါတယ်။


အမတ်တွေက ဘုရင်ကြီးအတွက် မိဖုရားမြှောက်ဖို့ မိန်းမငယ်လေးတွေကို ရှာဖွေပေးရပါတယ်။


အစပိုင်းမှာတော့ ရှာရလွယ်ကူပေမယ့် တစ်ညပဲ မိဖုရားဖြစ်ရတဲ့ အဖြစ်မှန်ကို တိုင်းသူပြည်သားတွေ သိသွားပြီး နောက်မှာတော့ ဘယ်သူကမှ သူတို့ရဲ့ သမီးလေးတွေကို မပေးကြတော့ပါဘူး။


ဒါနဲ့ပဲ ဘုရင်ကြီးရဲ့ အမတ်တစ်ယောက်ဖြစ်တဲ့ အမတ်ကြီး ဂျာဖာ (Jafar) ရဲ့ ချောမောလှပပြီး ဉာဏ်ပညာနဲ့ ပြည့်စုံတယ်လို့ သတင်းကြီးတဲ့ သမီးလေးတွေ ရှဟယ်ရာဇတ် (Scheherazade) နဲ့ ဒွန်ရာဇတ် (Dunyazad) ညီအစ်မ နှစ်ယောက်ဆီ မြှားဦးလှည့်လာကြပါတယ်။


အစ်မကြီးဖြစ်သူ ရှဟယ်ရာဇတ် ကတော့ ကြောက်ရွံ့ခြင်းမရှိဘဲ ဘယ်သူမှ မိဖုရား မလုပ်ချင်တော့ရင် သူမိဖုရား လုပ်မယ်လို့ ပြောလာပါတယ်။


အမတ်ကြီး ဂျာဖာက သမီးဖြစ်သူ ရှဟယ်ရာဇတ်ကို မသွားသင့်ကြောင်း တစ်ညတာပဲ မိဖုရား ဖြစ်မှာ ဖြစ်ကြောင်း နားချခဲ့ပေမယ့်


ရှဟယ်ရာဇတ်ကတော့ ဒီလို မိန်းမငယ်လေးတွေ သတ်ဖြတ်ခံနေရတာကို သူမ အဆုံးသတ်နိုင်လိမ့်မယ်လို့ ယုံကြည်နေပါတယ်။


ဒီလိုနဲ့ ရှဟယ်ရာဇတ် မိဖုရား ဖြစ်သွားတဲ့ ညမှာတော့ ဘုရင်ကြီးကို ပုံပြင်တစ်ပုဒ်ပြောပြပါတယ်။


ပုံပြင် အရမ်းကို ဇာတ်ရှိန်မြှင့်‌နေချိန်မှာတော့ ဘုရင်ကြီး စိတ်ဝင်စားနေတာကိုသိတဲ့ ရှဟယ်ရာဇတ်က ပုံပြင်ကို ရပ်ပစ်လိုက်ပါတယ်။


ဆက်ပြောဖို့အတွက် ဘုရင်ကြီးက အမိန့်ပေးခဲ့ပေမယ့် ရှဟယ်ရာဇတ်က မိုးလင်းတဲ့အထိ ပုံပြင်က ပြီးမှာမဟုတ်ကြောင်း ပြောပြပါတယ်။


ဘုရင်ကြီးလဲ ပုံပြင်နားထောင်ချင်တာကြောင့် ရှဟယ်ရာဇတ်ကို ကွပ်မျက်ဖို့ နောက်တစ်နေ့ကို ရွေ့လိုက်ပြီး ပုံပြင်ဆက်ပြောစေပါတယ်။


နောက်နေ့ညရောက်တော့လဲ ရှဟယ်ရာဇတ်က စိတ်ဝင်စားဖို့ကောင်းတဲ့ ပုံပြင်ရှည်ကြီး နောက်တစ်ပုဒ်ကို ပြောပြပြန်ပါတယ်။


မိုးလင်းတဲ့အထိ ပုံပြင်က မပြီးပြန်တော့ ကွပ်မြက်ဖို့ကို နောက်နေ့ ထပ်ရွေ့ရပြန်ပါတယ်။


ဒီလို ပုံပြင်တွေ ပြောရင်းနဲ့ပဲ ရှဟယ်ရာဇတ်က ဘုရင်ကြီးအတွက် သားသုံးယောက်မွေးပေးခဲ့ပါတယ်တဲ့။


ပုံပြင်တွေပြောရင်း တစ်ထောင့်တစ်ည ပြည့်သွားတဲ့အခါမှာ ရှဟယ်ရာဇတ်က သူမမှာ ထပ်ပြောစရာ ပုံပြင်တွေ မရှိတော့ပါဘူး သတ်ချင်ရင်လဲ သတ်နိုင်ပါတယ်လို့ ဘုရင်ကြီးကို ပြောပါတယ်။


ရှဟယ်ရာဇတ်ကို ချစ်မြတ်နိုးနေပြီ ဖြစ်တဲ့ ဘုရင်ကြီးက ရှဟယ်ရာဇတ်ကို မသတ်ဘဲ မိဖုရားခေါင်ကြီး တင်မြှောက်ခဲ့ပါတယ်။


ပုံပြင်တွေထဲမှာပါတဲ့ ပညာပေးတွေကြောင့် အသိတရားရနေပြီ ဖြစ်တဲ့ ဘုရင်ကြီးက နောက်ထပ် မိန်းမငယ်လေးတွေကို သတ်ဖြတ်ခြင်း မပြုတော့ဘဲ တိုင်းပြည်ကို အေးအေးချမ်းချမ်း အုပ်ချုပ်ခဲ့ပါတယ်။


ဒါကတော့ တစ်ထောင့်တစ်ည ဖြစ်ပေါ်လာရတဲ့ ပါးစပ်ရာဇဝင် ပုံပြင်တစ်ပုဒ်ပါ။


သမိုင်းအထောက်အထားတော့ မရှိပါဘူး။


တစ်ထောင့်တစ်ညပုံပြင်တွေ ဒါမှမဟုတ် အာရေဗီယံညများ လို့ သိကြတဲ့


ဒီပုံပြင်တွေဟာ အရှေ့အလယ်ပိုင်းရိုးရာယဉ်ကျေးမှုတွေကို ထင်ဟတ်စေပြီးတော့


ဉာဏ်ပညာ၊ မှော်အတတ်၊ အချစ်၊ အလွမ်း၊ သတ္တိ၊ မိတ်ဆွေရဲ့ တန်ဖိုး စတဲ့ ရသစုံလင်စွာ ပါရှိတဲ့ ပညာပေး ပုံပြင်တွေဖြစ်ပြီး


အင်္ဂလိပ်လူမျိုး စာရေးဆရာနဲ့ စူးစမ်းလေ့လာသူ ရစ်ချက် ဘာတန် (Richard Burton) က


တစ်ထောင့်တစ်ညပုံပြင်တွေကို ပထမဆုံး အင်္ဂလိပ်ဘာသာကို ပြန်ဆိုကာ 1882 ခုနှစ်မှာ စာအုပ်ထုတ်ဝေခဲ့ပါတယ်။


ဒီပုံပြင်တွေထဲက တချို့ပုံပြင်တွေဟာ လူတိုင်းကြားဖူးတဲ့ အရမ်းနာမည်ကြီး ပုံပြင်တွေ ဖြစ်ပြီးတော့ ရုပ်ရှင်၊ ကာတွန်းကားတွေ ပြန်ရိုက်ထားတာလဲရှိပါတယ်။


တစ်ထောင့်တစ်ညပုံပြင်တွေ (သို့) အာရေဗီယံညများ ကို အင်္ဂလိပ်ဘာသာနဲ့ ဖတ်ရှုချင်သူတွေအတွက် အောက်ပါ Telegram Channel မှာ တင်ပေးထားပါတယ်။


https://t.me/+fDx3Hhe9OWoyZmY1


ဖတ်သင့်တဲ့ English စာအုပ်ကောင်းလေးတွေနဲ့ စာအုပ် review လေးတွေကိုလဲ ရေးပေးသွားဦးမှာမိုလို အကောင့်လေးကို follow လုပ်သွားကြပါဦးနော် ☺️