ငါတို့လို လူတွေ

လူတွေက ပုံသွင်းမခံပါဘူး လို့ သာပြောကြတာ
အချိန်ကာလ နဲ့ အခြေအနေတွေက လူတွေကို သိတောင်မသိလိုက်စေဘဲ
ဖြည်းဖြည်းချင်းပုံသွင်းသွားလိုက်တာများ
မိတ်ဆွေဟောင်းတစ်ယောက်ယောက်နဲ့ ပြန်ဆုံတိုင်း
ငါ့မှာ ပါးစပ်အဟောင်းသားဖြစ်ရတယ်။
သူတို့လည်း ငါ့လိုပါပဲ....
ငါတို့တွေက အံဝင်ခွင်ကျ မှုတွေထဲမှာ
မဲ့တာလား ပြုံးတာလား မရေရာတဲ့ မျက်နှာထားတွေနဲ့
တစ်ရက်ပြီး နောက်တစ်ရက်ကို ကူးကြရတယ်။
ဒီနေ့ ငိုပြီး နောက်နေ့ ရယ်ကြတာပါပဲ။
ဒီလိုလူတွေကပဲ
တစ်ယောက်နဲ့တစ်ယောက် ဘယ်သူ IQ ပိုမြင့်လဲ ယှဥ်ကြသေးတယ်။
နေမလား သေမလားဆိုတဲ့မေးခွန်းအရောက်မှာ
ငါတော့ သေလို့မဖြစ်သေးဘူးကွာ လို့ အများစုကဖြေကြတုန်းပါပဲ
အရူးအချင်းချင်း တစ်မူးသာကြောင်း ပြချင်ကြတာလည်း ငါတို့ပါပဲ
ပျော်ရွှင်မှုအစစ်အမှန်ကို မင်းလည်းမတွေ့သလို
ငါလည်း မသိဘူး
ဘယ်သူမှလည်း မသိလောက်ဘူး
မပျော်နိုင်တဲ့ သူတွေအချင်းချင်း
ကိုယ်က သောကပေးတဲ့သူ မဖြစ်ရုံနဲ့
မင်း တာဝန်ကျေနေပါပြီ
ရှင်သန်ချိန်ခဏလေးမှာ
ပျော်ရွှင်မှုလို့ မြင်လို့ရတဲ့ အရာတွေကို
မျှဝေလိုက်ကြတာပေါ့
လောကကြီးမှာ စိတ်ချမ်းသာတက်ရင်
မျက်ရည်နည်းပြီး ပိုပြုံးနိုင်ပါတယ်။
.
April 27, 2023