ရေဘဝဲမင် ဘယ်ကထွက်

ပင်လယ်သမုဒ္ဒရာဆိုတာ ထူးခြားဆန်းကြယ်မှုတွေပြည့်နေတဲ့ နေရာတစ်ခုဖြစ်ပါတယ်။ သဘာဝတရားကြီးရဲ့
ထူးခြားမှုတွေနဲ့အတူ ဆန်းကြယ်လှတဲ့ ရေနေသတ္တဝါ တွေကိုလည်း တွေ့ရပါတယ်။ အဲဒီသတ္တဝါတွေထဲမှာ ရေဘဝဲဆိုတဲ့ သတ္တဝါလည်း ပါဝင်တာပေါ့။ မင်တွေ ထုတ်တတ်တဲ့ သူတို့တွေနဲ့ စာဖတ်သူတို့ရင်းနှီးပြီးသားဖြစ်မှာပါ။ ဒါပေမယ့် မင်တွေဘယ်ကထွက်လာတာလဲ ဆိုတာကတော့ စိတ်ဝင်စားစရာကောင်းလှပါတယ်။

မင်တွေ ထုတ်ရတဲ့ အဓိကအကြောင်းအရင်းကတော့ သူတို့ကိုယ် သူတို့ကာကွယ်ဖို့ပဲဖြစ်ပါတယ်။ ရေဘဝဲတွေဟာ တိုက်ခိုက်ခံတဲ့အခြေအနေမှာ မင်တွေထုတ်ပြီး မြင်ကွင်းကို ကွယ်လိုက်လေ့ရှိပါတယ်။ ဒါ့အပြင် မင်တွေကြောင့် သူတို့ဘယ်မှာလဲဆိုတာကို အနံ့ခံဖို့ ခက်ခဲသွားစေပါတယ်။

ပထမဆုံး သူတို့ရဲ့မင်အိတ်(ink sac)ထဲမှာ Melaninလို့ခေါ်တဲ့ ဆိုးဆေးတစ်မျိုးကို ထုတ်ပေးပါတယ်။ အဲဒီဆိုးဆေးဟာ သဘာဝအတိုင်းဖြစ်ပေါ်လာတာဖြစ်ပြီး လူတွေရဲ့ဆံပင်တွေမှာတွေ့ရတဲ့ ဆိုးဆေးတစ်မျိုးဖြစ်ပါတယ်။ လူတွေရဲ့ ဆံပင်တွေမဲနေရတာလည်း အဲဒီMelaninကြောင့် ဖြစ်ပါတယ်။ ဒါ့အပြင် Mucusဆိုတဲ့ စေးပျစ်ပျစ်အရည်တစ်မျိုးကို ထုတ်ပေးပြီး Melaninနှင့်ရောလိုက်ပါတယ်။ Mucusနှင့်ရောလိုက်တဲ့အခါ မင်တွေဟာ စေးပျစ်သွားပါတယ်။ သူမပါရင် မင်တွေဟာ ကျဲကျဲကြီးဖြစ်ပြီး ရေထဲမှာ ခဏလေးနဲ့ပျံ့ရောပျောက်ကွယ်သွားမှာဖြစ်ပါတယ်။ အဲဒီလိုနှစ်ခုရောပြီးတဲ့နောက် မင်တွေဟာ လွှတ်ထုတ်ဖို့အဆင်သင့် ဖြစ်ပါပြီ။ လိုအပ်တဲ့အခါ မင်တွေကို ပြွန်တစ်မျိုးကနေတစ်ဆင့် လွှတ်ထုတ်လိုက်ပါတယ်။ (ပုံထဲမှာတော့ tunnelလို့ရေးထားပြီး ဆောင်းပါးရဲ့ အဓိကပုံထဲမှာတော့ မျက်လုံးအောက်နားမှာ မြင်တွေ့နိုင်ပါတယ်)
သူတို့တွေဟာ အဲဒီပြွန်ကို မင်ထုတ်ဖို့အတွက်သာမက ရေအမြန်ကူးနိုင်ဖို့နှင့် အသက်ရှုဖို့အတွက်လည်း အသုံးပြုကြပါတယ်။
ဒါဆိုရင်....

သူတို့ရဲ့မင်တွေက အဆိပ်မရှိပါဘူး။ ဒါပေမယ့် ရေဘဝဲတွေဟာ ကိုက်တတ်ပါတယ်။ ပုံမှန်ကိုက်လေ့မရှိပေ
မယ့် အကိုက်မခံရအောင် သတိထားသင့်ပါတယ်။ မျိုးစိတ်အများစုတွေက အဆိပ်မရှိပေမယ့် Blue-Ringed Otopusလိုမျိုးအပြာရောင်အကွင်းတွေနဲ့
ရေဘဝဲတွေရဲ့ အဆိပ်ကတော့ 1 milligramလေးကတောင် သေစေနိုင်ပါတယ်။

ဒါကတော့ ရေဘဝဲတစ်ကောင်ရဲ့ မင်ထုတ်ပုံ
အဆင့်ဆင့်၊ အသုံးပြုတဲ့အစိတ်အပိုင်းတွေအကြောင်း
နှင့် သတိပြုစရာအချက်တွေ ဖြစ်ပါတယ်။ နောက်ထပ်လည်း ဗဟုသုတရစရာအကြောင်းအရာတွေကို ရေးသားတင်ပြသွားမှာဖြစ်လို့ Followလုပ်ခဲ့ကြပါဦးနော်။

• 
  
• 
  
• 11:00 P.M.