ကိုယ့်ချစ်သူက Bad Mood ဖြစ်နေချိန် မလုပ်သင့်သည့် အရာများ

ဘဝကြီးက မအေးအေးဝင်းစီစဉ်တာ မဟုတ်လို့ ပျော်စရာအချိန်တွေပဲ ရှိတာ မဟုတ်ပါဘူး။ လူတိုင်းမှာ စိတ်ညစ်တဲ့အချိန်၊ Bad Mood ဝင်တတ်တဲ့ အချိန်ဆိုတာ ရှိတတ်ကြပါတယ်။ တကယ်လို့ ကိုယ့်ချစ်သူက bad mood ဖြစ်နေတဲ့ အချိန်မှာ သူ့စိတ်အခြေအနေ ပိုဆိုးသွားတာမျိုးမဖြစ်အောင် မလုပ်သင့်တဲ့ အရာ၄ခုကိုပြောပြပေးလိုက်ပါတယ်။

🖇️ ပစ်မထားပါနဲ့

သူဖြစ်တာ ငါဖြစ်တာမှမဟုတ်တာ၊ ငါနဲ့ မဆိုင်ဘူးဆိုပြီး ပစ်ထားတာမျိုး မလုပ်ပါနဲ့။သူပြောတာတွေ နားထောင်ပြီးအားပေးပါ။သူ့စိတ်ခံစားချက်ကို နားလည်ပေးပါ။ အတတ်နိုင်ဆုံး ဘေးမှာနေပြီး အားပေးနှစ်သိမ့်ပါ။စိတ်သက်သာရာရအောင်၊ ပျော်ရွှင်အောင် ကူညီပေးပါ။

🖇️ Negative ဆန်စွာ မတုံ့ပြန်ပါနဲ့။

သူ့ခံစားချက်တွေကို နားမလည်ပေးနိုင်တောင်မှ negative ဆန်စွာ မတုံ့ပြန်ပါနဲ့။ ငါ့ချစ်သူက ငါ့အပေါ်ဒီလိုတုံ့ပြန်တာပဲဆိုပြီး စိတ်အခြေအနေ ပိုဆိုးသွားနိုင်သလို ကိုယ့်အပေါ်လည်း ဒေါသထွက်နိုင်ပါတယ်။

🖇️ သင့်ခံစားချက်ကို ဦးစားမပေးပါနဲ့။

သူများစိတ်ညစ်နေတဲ့အချိန်၊ စိတ်အ‌ ခြေ အ နေ မကောင်း ဖြစ်နေတဲ့ အချိန်မှာ ကိုယ့်ခံစားချက်ကို ဦးစားပေးပြီး ကိုယ်ဖြစ်ချင်တာ၊ ကိုယ်လုပ်ချင်တာတွေကို လုပ်တာ မဖြစ်သင့်ပါဘူး။ Bad Mood ဝင်တဲ့သူဟာ ကိုယ့်ရဲ့ ချစ်သူ၊ သူငယ်ချင်း၊ မိသားစုဝင်ဖြစ်နေမယ်ဆိုရင် ပိုလို့တောင် ကိုယ့်ရဲ့ ခံစားချက်ကို ဦးစားမပေးသင့်ပါဘူး။

🖇️ ထပ်ပြီး ပြဿနာ မရှာပါနဲ့။

Bad Mood ဝင်နေတဲ့ အချိန်မှာ ကိုယ့်ကို ဂရုမစိုက်တာမျိုး၊ ပစ်ထားတာမျိုးဆို နားလည်ပေးလိုက်ပါ။ အဲ့ဒါတွေပါ ထပ်ပြီး သင်က ပြဿနာရှာမိတာမျိုး၊ ကိုယ့်ရဲ့စိတ်တိုင်းမကျမှုတွေကိုပါ ပြဿနာရှာတာမျိုး မလုပ်မိပါစေနဲ့။သူ့ရဲ့စိတ်အခြေအနေ ပိုဆိုးသွားပါလိမ့်မယ်။


#Moon
#Relationship_advice