လူငယ်တွေ တိုးတက်အောင်မြင်ဖို့ Skills (၅) မျိုး

မျှော်မှန်းချက်၊ မျှော်လင့်ချက်တွေအပြည့်နဲ့ ကိုယ့်ဘဝကိုယ်တာဝန်ယူပြီး ကြိုးစားတည်ဆောက်နေရတဲ့ အောင်မြင်ချင်တဲ့လူငယ်တိုင်းအတွက် ဒီနေ့ခေတ်မှာ ပြောင်းလဲတည်ဆောက်ရမယ့်အရာတွေနဲ့ တတ်ကျွမ်းထားသင့်တဲ့ 🚩Skills တွေ ပြောလို့တောင်မကုန်ပါဘူး...

ဒီထဲမှာမှ အခြေခံအကျဆုံးနဲ့ အောင်မြင်တိုးတက်ချင်တဲ့လူငယ်တိုင်း မဖြစ်မနေ လေ့လာတတ်မြောက်ထားသင့်တဲ့ Skill တွေကို မတတ်မြောက်၊ မလေ့လာထားဘူးဆိုရင်တော့ သူများထက် ခြေတစ်လှမ်းနောက်ကျနေမှာပါပဲ။

ကိုယ့်ဘဝတိုးတက်ဖို့ အရေးကြီးတဲ့ ဒီလို Skill တွေကို ဘယ်လောက်အထိလေ့လာထားပြီးပြီလဲ❓

1️⃣ 𝗖𝗿𝗶𝘁𝗶𝗰𝗮𝗹 𝗧𝗵𝗶𝗻𝗸𝗶𝗻𝗴 & 𝗣𝗿𝗼𝗯𝗹𝗲𝗺-𝘀𝗼𝗹𝘃𝗶𝗻𝗴

ဖြစ်လာတဲ့ အခြေအနေတွေကို စဉ်းစားသုံးသပ်နိုင်စွမ်းနဲ့ ပြဿနာတွေကို ကိုင်တွယ်ဖြေရှင်းနိုင်မှုဟာ လူငယ်တစ်ယောက်အတွက် အရှိသင့်ဆုံး Skill တစ်ခုဖြစ်ပါတယ်။

ဦးနှောက်နဲ့အတွေးတွေကို ကိုင်တွယ်ဖြေရှင်းနိုင်စွမ်းဟာ ကိုယ်လိုချင်တာရဖို့၊ မလိုချင်တာတွေကို ပယ်နိုင်ဖို့အတွက် လေ့ကျင့်သင်ယူထားသင့်တဲ့ အရည်အချင်းတစ်ခုပါပဲ။

2️⃣ 𝗗𝗶𝗴𝗶𝘁𝗮𝗹 𝗟𝗶𝘁𝗲𝗿𝗮𝗰𝘆 𝗮𝗻𝗱 𝗖𝗼𝗻𝘁𝗲𝗻𝘁 𝗖𝗿𝗲𝗮𝘁𝗶𝗼𝗻

AI ခေတ်၊ Content Creation တွေနဲ့ Lifestyle တွေကို ဖန်တီးတည်ဆောက်ယူနေကြတဲ့ ခေတ်မှာ အောင်မြင်ချင်တဲ့ လူငယ်တစ်ယောက်ဟာ ဒစ်ဂျစ်တယ်နည်းပညာတွေကို ကျင့်သားလုပ်ထားရပါမယ်။

ကိုယ်ပြောချင်သမျှအကြောင်းအရာတွေ၊ ကိုယ်တတ်ကျွမ်းသမျှ Skill တွေ၊ ကိုယ့်အားသာချက်တွေကို Content တွေနဲ့ ဖန်တီးပုံဖော်ပြနိုင်ဖို့ဆိုရင် Digital Tools တွေကို အသုံးချနိုင်တဲ့စွမ်းရည်ဟာ ရှိကိုရှိထားရမယ့် အရည်အချင်းတစ်ခုပါ။

3️⃣ 𝗘𝗺𝗼𝘁𝗶𝗼𝗻𝗮𝗹 𝗜𝗻𝘁𝗲𝗹𝗹𝗶𝗴𝗲𝗻𝗰𝗲 & 𝗖𝗼𝗺𝗺𝘂𝗻𝗶𝗰𝗮𝘁𝗶𝗼𝗻

ကိုယ်ကိုယ်တိုင်ရဲ့ စိတ်ခံစားမှုတွေကို စီမံခန့်ခွဲနိုင်ပြီး အခြားသူတွေရဲ့ ခံစားချက်တွေကိုပါ နားလည်နိုင်တဲ့ Emotional Intelligence ဖြစ်မှုမျိုးဟာ ကောင်းမွန်တဲ့ပေါင်းသင်းဆက်ဆံရေးတွေ တည်ဆောက်ဖို့အထောက်အကူဖြစ်စေသလို ကိုယ့် Network ကိုလည်း ကျယ်ပြန့်စေပါတယ်။

Communication ဟာ မတူညီတဲ့လူတစ်ယောက်နဲ့ တစ်ယောက်ကြားက အတွေးတွေ၊ ခံစားမှုတွေ၊ အမြင်တွေကို ထိတွေ့ဆက်ဆံရတာဖြစ်တဲ့အတွက် EQ ကောင်းခြင်း၊ ပေါင်းသင်းဆက်ဆံရေးကောင်းခြင်းဟာ တစ်ပါးသူရဲ့ ခံစားမှုအမြင်တွေကို နားလည်သိမြင်ပြီး ကိုယ်လိုချင်တာကို ထိထိရောက်ရောက် ပြောဆိုတင်ပြတတ်စေဖို့ အများနဲ့ကိုယ့်ကြားမှာရှိတဲ့ ဆွဲငင်အားတစ်ခုဖြစ်စေသလို Personal Branding ကိုလည်း ကောင်းမွန်တိုးတက်စေပါတယ်။

4️⃣ 𝗙𝗶𝗻𝗮𝗻𝗰𝗶𝗮𝗹 𝗟𝗶𝘁𝗲𝗿𝗮𝗰𝘆 𝗕𝗮𝘀𝗶𝗰𝘀

ကိုယ့်ရဲ့ ဝင်ငွေ၊ ထွက်ငွေတွေကို စီမံနိုင်မှုကလည်း ကိုယ်ဖြစ်ချင်တဲ့ အိပ်မက်တွေကို ရယူနိုင်ဖို့ အရေးကြီးတဲ့အပိုင်းပါပဲ။

လိုအပ်လို့ သုံးတာလား၊ မလိုအပ်ဘဲ ဖြုန်းမိတာလားဆိုတာကို သိနိုင်တဲ့အရည်အချင်းရှိမှသာ ကိုယ့်ဘဝတိုးတက်ရေး၊ မိသားစုအရေး၊ အနာဂတ်အရေးတွေကို ထိထိရောက်ရောက် စီမံနိုင်ပါလိမ့်မယ်။ နောက်ထပ်အရေးကြီးတာက ငွေစုနိုင်ဖို့ပါပဲ💸

5️⃣ 𝗧𝗶𝗺𝗲 𝗠𝗮𝗻𝗮𝗴𝗲𝗺𝗲𝗻𝘁 & 𝗣𝗿𝗼𝗱𝘂𝗰𝘁𝗶𝘃𝗶𝘁𝘆 𝗛𝗮𝗰𝗸𝘀

တစ်နေကုန် အလုပ်လုပ်နေပေမဲ့ စိတ်မောလူပန်း အလုပ်ကလည်း မယ်မယ်ရရ ပြီးသွားတာမျိုးမရှိဘူးဆိုရင် အချိန်တွေကို စီမံမခန့်ခွဲနိုင်သေးဘူးဆိုတာ သေချာပါတယ်။

Deadline⏰ အမီ အလုပ်တွေပြီးမြောက်နိုင်ဖို့အတွက် ဘယ်ဟာကို ဦးစားပေး (Priority) ထားရမယ်၊ အချိန်မီပြီးအောင် ဘယ်လိုလုပ်ရမလဲ၊ မြန်မြန်ပြီးမြောက်ဖို့ ဘယ်လိုဖြတ်ထိုးဉာဏ် သုံးရမလဲဆိုတာ ကျွမ်းကျင်မှပဲ Productive ဖြစ်ဖြစ်နဲ့ ဦးဆောင်နိုင်မှာပါ။

ဒီ Skill တွေအားလုံးဟာ တိုးတက်အောင်မြင်ချင်တဲ့လူငယ်တိုင်း မရှိမဖြစ်၊ မသိမဖြစ်၊ မတတ်မဖြစ် တတ်ကျွမ်းနားလည်ထားရမယ့် 🚩Skill တွေဖြစ်တာကြောင့် ကိုယ့်ဆီမှာ ဘယ်အားသာချက်တွေရှိတယ်၊ ဘယ်လိုအရာတွေက အားနည်းနေတယ် ဆိုတာကို ဝေဖန်သုံးသပ်ပြီး ပိုကောင်းပိုတော်တဲ့ အနာဂတ်ဘဝတွေကို တည်ဆောက်နိုင်ဖို့ ဖြည့်ကျင့်သင်ယူသွားကြအောင်💪....

“လူငယ်ဘဝတိုးတက်ရေး သုတရတနာသိုက်- SarPhat”

#SarPhat #SocialPublishingPlatform
#စာဖတ် #စာမူနှင့်ဆောင်းပါးများ
#PersonalDevelopment #Skills #Success #YouthDevelpoment