အရည်အချင်းနှင့်နေရာ

လူတိုင်းကိုယ်ဝါသနာပါရာကိစ္စရပ်တစ်ခု၌ အောင်မြင်ခြင်း(သို့)ဂုဏ်သတင်းကျော်ကြားခြင်းကို အလိုရှိကြတာကတော့ လောကဓမ္မတာဖြစ်​၏။ တချို့သောလူတို့မှာ မိမိဝါသနာပါရာ၌ တကယ်တော်ပြီးအရည်အချင်းရှိကြပါ​၏၊သို့သော် နာမည်ကျော်ကြားခြင်းမရှိကြ၊ မိမိအရည်အချင်းကို လိုအပ်သောသူတို့ထံသို့အရောက်မပို့နိုင်ခြင်း(သို့)ခေတ်ရေစီးကို နားမလည်ခြင်းလို့ဆိုရမည်ထင်တယ်၊နောက်တစ်မျိုးကတော့ မိမိအရည်းအချင်းကိုတန်ဖိုးထားတတ်သော ရပ်ဝန်းကိုမရှာတတ်ဘူးလို့ ဆိုရမည်၊ (ရပ်ဝန်းကြီးတစ်ခုလုံးက ပျက်စီးနေတာဆိုရင်တော့ တခြားသောရပ်ဝန်းကို ထွက်သွားသင့်လား ပျက်စီးနေသောရပ်ဝန်းကိုပဲ ကောင်းအောင်ပြင်ရမလား စဉ်းစားရမည်ထင်တယ်)လူမှန် နေရာမမှန်တာပေါ့၊ လူတစ်ယောက်အောင်မြင်ခြင်း ကျဆုံးခြင်းဆိုတာက ထိုသူ​၏အရည်အချင်းကို လိုအပ်သောနေရာ၌သုံးနိုင်ခြင်း ၊မသုံးနိုင်ခြင်းတို့သည်အရေးပါ​၏။ပန်းချီပါရမီပါတဲ့ လူတစ်ယောက်ဟာ ပန်ချီးပဲဆွဲသင့်​၏၊ တခြားသော အနုပညာမှာ ဘဝကိုရင်းနှီးမြှုပ်နှံမှုမလုပ်သင့်ဘူး၊ တခြားသောအနုပညာမှာမအောင်မြင်နိုင်ဘူးလားလို့မေးရင် အောင်မြင်နိုင်ပါ​၏၊ကြိုးစားရင်အောင်မြင်နိုင်တာပေါ့၊ သို့သော်ပါရမီပါသော အရာမှာကြိုးစာရင် ပိုပြီးအောင်မြင်နိုင်ပြီး သူမတူအောင်ထူချွန်နိုင်​၏၊ဆန္ဒနှင့်ဘဝတစ်ထပ်လည်းကျ​၏၊ထူးအိမ်သင်​၏ အင်တာဗျူးတစ်ခုမှာ "သူ့သမီးကိုကြီးရင်ဘာဖြစ်စေချင်သလဲ"ဟု သတင်းထောက်ကမေးလိုက်​၏၊ ထူးအိမ်သင်ပြန်ဖြေတာက"သမီးကို ကျွန်တော့်အတ္တတွေနဲ့ မတည်ဆောက်ချင်ဘူး ၊သူဖြစ်စေချင်တာ ဖြစ်နိုင်တယ်"လို့ ပြန်ဖြေတာကိုအတော်သဘောခွေ့မိတယ်။လူတစ်ဦးတစ်ယောက်​၏အရည်အချင်းကို လူမှန်နေရာမှန်သာ အသုံးပြုနိုင်ခဲ့ရင် ၊ထိုသူ​၏အရည်းအချင်းသည်လည်းကောင်း၊ ထိုသူ​၏ဘဝသည်လည်းကောင်း ၊ တိုးတက်ဖို့လမ်းကြောင်းပေါ်သို့ ရောက်ရှိရန်မလွဲဧကန်ဖြစ်​၏။ တစ်ဦးချင်းတိုးတက်မှုမှအစပြု၍၊နိုင်ငံလူဦးရေ အလိုက် လူမှန်နေရာမှန် ဖြစ်ခဲ့ရင်နိုင်ငံတိုးတက်မည်ဖြစ်​၏။လက်ရှိကာလက မီးစဉ်ကြည့်ကနေရသောအချိန်ဖြစ်​၏။ မိမိအရည်းအချင်းနှင့် မသက်ဆိုင်သောနေရာမှာ လူငယ်တွေ(ဘဝရပ်တည်မှုအရ )အလုပ်လုပ်နေရမည်မှာမလွဲဖြစ်​၏။အမျာပြည်သူက ဘဝရပ်တည်ရေးအတွက် လူမှန်နေရာမမှန်လုပ်နေရခြင်းသည် အုပ်ချုပ်သူလူတန်းစားတစ်ရပ်က လူမမှန်နေရာမမှန်လို့ဖြစ်​၏။ အမျာပြည်သူသည် စားဝတ်နေရေးအတွက်ကြောင့်လူမှန်နေရာမမှန်ဖြစ်ခြင်းဖြစ်​၏။ အုပ်ချူပ်သူလူတန်းစားတစ်ရပ် လူမမှန် နေရာမမှန် ဖြစ်ရခြင်းသည် လောဘ ,အတ္တ,ကြောင့်ဖြစ်​၏။ စီးပွါးရေးနားမလည်းသော လူတစ်ယောက် စီးပွါးရေးဆိုင်ရာမှာ အရာရှိဖြစ်ရင်၊ သယံဇာတအကြောင်းနားမလည်သော လူတစ်ယောက် သတ္တုတွင်းဌာနမှာဝန်ကြီးဖြစ်ရင်၊ သက်ဆိုင်ရာဌာနတိုင်းမှာ လူမမှန် နေရာမမှန် တွေများလာရင် နိုင်ငံကမောက်ကမ ဖြစ်ဖို့များလေသည်။ လူတစ်ယောက် အောင်မြင်ပြီး ကြီးပွါးချမ်းသာချင်သော စိတ်ရှိခြင်းသည် ဓမ္မတာဖြစ်​၏။မိမိအရည်အချင်းနှင့်ဝါသနာကို အရင်းမခံပဲ မရိုးသားသောနည်းဖြင့် အောင်မြင်ကြီးပွါးချမ်းသာလိုခြင်းသည် ယုတ်ညံ့သောလုပ်ရပ်ဖြစ်​၏။ နောင်တမလွန်အတွက်လည်း မကောင်းနိုင်ဘူး၊လိုချင်သောအရာကို ဖြောင့်မတ်ပြီး ကြိုးကြိုးစားစား ရယူချင်းသည်ပင် ဘဝ​၏အဓိပ္ပာယ်ဖြစ်​၏။ အရည်အချင်းနှင့်ဝါသနာကို အရင်းတည်ပြီး လူမှန်နေရာမှန်သော ဘဝကိုတည်ဆောက်နိုင်ကြပါစေ။