ရဲတိုက်ကြီး

ဒီစာအုပ်ရဲ့မူရင်းစာရေးသူဖရန့်ကက်ဖကာက 1924 June မှာ ကွယ်လွန်ခဲ့တယ်။" ငါသေသွားတဲ့အခါ ငါ့ရဲ့စာတွေကို မီးရှို့ပေးပါလို့ မိတ်ဆွေ မက်ဗရော့(Max Brod) ကိုကတိတောင်းခဲ့တယ်။မိတ်ဆွေရဲ့ ကတိမတည်မှုကြောင့်
လက်ရှိကမ္ဘာဟာ ဖရန့်ကက်ဖကာ(Franz Kafka)ကို သိခဲ့တယ် ပြောရမယ်။ကက်ဖကာစာပေအရည်အချင်းနဲ့ လောကကြီးကိုရူမြင်တဲ့ ခံစားချက်ကို နားလည်ခွင့်ရတယ်။1926 ခုနှစ်မှာ ဒီစာအုပ်ကို ပထမဆုံးအကြိမ်ထုတ်ဝေခဲ့တယ်။ပထမပုံနှိပ်တော့က ဂျာမန်ဘာသာဖြင့် အခန်း ၁၈ တစ်ဝက်တစ်ပျက်နဲ့ သာထုတ်ဝေခဲ့နိုင်တဲ့စာအုပ်ပါ။ ဒုတိယအကြိမ်မှာတော့ မက်ဗရော့ (Max Brod)က ကပ်ဖကာချန်ထားခဲ့တဲ့ အပိုင်းအစများ၊ မူကွဲများကို ထပ်တွေ့ရှိပြီးနောက် ထည့်သွင်းဖော်ထားလိုက်တယ်။ အင်္ဂလိပ်ဘာသာပြန်သူက အိုင်သင်ဝီလကင် နှင့် အားနက်ကိုင်ဆာ တို့က ပြန်ဆိုထားတယ်။

"လမ်းရှိသော်လည်းလမ်းမမြင် " အဲ့စကားက ဒီစာအုပ်ရဲ့ ဖွင့်ဆိုချက်လို့ပြောရမယ်။စာမျက်နှာ ၂၆၄ နဲ့အဆုံးသတ်မရှိတဲ့ စာအုပ်၊ တစ်ခါတရံမှောင်မိုက်နေပြီး တစ်ခါတစ်ရံတွင် ဆန်းကြယ်တယ်။ပတ်တီးစည်းထားတဲ့ဒဏ်ရာကို ကြည့်ချင်တယ်ဆို ပတ်တီးကို ဖြေကြည့်မှ မြင်ရနိုင်တယ်။အတ္တရဲ့ ရုန်းကန်မှု နှင့် အနန္တ နှင့် အဘိညာဉ်လောကဆီ ဦးတည်ထားတဲ့ ပဟေဠိ တစ်ခုအဖြစ်တင်ပြထားတယ်။ အခြေအနေတစ်ခုလုံးကို ဇာတ်ကောင်ကသာ ထိန်းကျောင်းထားတယ်။ဆုံးဖြတ်ချက်များအားဒဿန ဆန်ဆန်ချည်းကပ်ခြင်းထိုခေတ်ကဗျူရိုကရေစီစနစ်အားလှောင်ပြောင်ခြင်း ကို လှောင်ပြောင်းရေးထားတာဖြစ်တယ်။

စာအုပ်ထဲက ကေ အမည်ရှိ ဇာတ်ကောင်
တောင်ပေါ်ရှိ ရဲတိုက်မှ အာဏာပိုင်မြို့စားတဦးက
မြေတိုင်းစာရေးအဖြစ် ငှားရမ်းတာကြောင့် ခက်ခက်ခဲခဲ အဲ့နေရာကို ရောက်လာခဲ့တယ်။ထိုအရပ်မှာ ကေ ဇာတ်ကောင်က ဖြစ်တည်မှု ပျောက်ဆုံးလာတယ်။ သူကိုငှားရမ်းထားတာက မြေတိုင်းစာရေးဖြစ်သော်လည်း
မြေမတိုင်းရ ၊ ဘာမှ လုပ်စရာမရှိတဲ့ အဖြစ်နဲ့ကြုံရတယ်။သူမှာ ကလေး သာသာ ရှိတဲ့ လက်ထောက်နှစ်ယောက်တော့ရှိတယ်။ကေ ကို အလုပ်ခန့်ထားတဲ့တောင်ပေါ်ရှိ ရဲတိုက်ဆီကိုသွားခွင့်မရှိဘဲ တောင်အောက်ရွာရှိ
တည်းခိုခန်းတွင် အချိန်အကြာကြီး‌ နေထိုင်ခဲ့ရတယ်၊ နေစရာမရှိ သွားစရာမရှိချိန်စာသင်ကျောင်းတွင်ကျောင်းစောင့်အဖြစ် လည်းကောင်း သောင်တင်နေခဲ့ရတယ်။

ဗာနေဗက် လို့ခေါ်တဲ့ ဆက်သားတစ်ဦးနဲ့ တွေ့ဆုံတယ်။ကေ က ဗာနေဗက်ကို သူထက် အဆင့်အတန်းပိုမြင့်တယ်လို့ အထင်ကြီးခဲ့ရတယ်။ဗာနေဗက်မှာ ညီမ အော်လဂါ နှင့် အမာလီယာရှိပြီး တင်းကျပ်တဲ့ စည်းကမ်းဥပဒေ တွေနဲ့‌ နေရတယ်။ရွာထဲမှ ရဲတိုက်သို့ ရောက်ဖူးသူမှာ ဗာ‌ နေဗက်ဆိုတဲ့ ဆတ်သား တစ်ဦးသာ တောင်ပေါ် ရှိ ရဲတိုက်ကိုရောက်ဖူးတယ်။အဲ့ဒေသတွင် ဗျူရိုကရစီ ယန္တရားတွင်အာဏာပိုင်လူကြီးများက သူတို့စကားကို ကိုယ်စားလှယ်များ ၊ဆက်သားများမှတဆင့် ပြောလေ့ရှိကြတယ်။

ကေ အား အမိန့် ပေးတဲ့ အာဏာပိုင်လူကြီးကိုပင်
မတွေ့ဖူး၊ မမြင်ရတဲ့ အဖြစ်နဲ့ကြုံရတယ်။ရဲတိုက်ကြီးနဲ့ နီးစပ်ရာ ကျေးရွာတစ်ခုမှာပဲ သောင်မတင်ရေမကျ အခြေအနေ ခံစားလာရတယ်။ ကျေးရွာဥက္ကဌ ဆိုသူနဲ့သာ ပြောဆိုရပြီး ရဲတိုက်ကြီးကို တစ်ခါမှ ‌သွားလာခွင့်မရခဲ့ဘူး။ အိပ်စရာနေရာမကဘဲ ညကြီးမင်းကြီး နှင်းတောထဲမှာ လျှောက်သွားနေရတာကို ရပ်တန့်ဖို့အတွက် ကမ်းလှမ်းလာတဲ့ ကျောင်းစောင့်အလုပ်ကို ရွေးခဲ့ရတယ်။ အခန်းနှစ်ခန်းသာ ပါတဲ့ ကျောင်းမှာ သန့်ရှင်ရေးလုပ်၊ ပြင်စရာရှိတာပြင်ရင် နေထိုင်ရတယ်။ လခ မရ၊ နေထိုင်ခွင့်သာရတယ်၊ မြို့နယ်ကောင်စီကို တင်ပြခွင့်မရအဖြစ်နဲ့ကြုံရတယ်။

နောက်ဆုံးသူက ရဲတိုက်ကြီးကခန့်ထားသူလည်းမဟုတ်ဘူး၊ ရွာထဲကလည်း မဟုတ်ဘူး၊ သူစိမ်းတစ်ယောက်သာ ဖြစ်လာတယ်။ ရည်ရွယ်ချက်တွေ မှေးမှိန်နေတဲ့ လူတစ်ယောက်သာ ဖြစ်လာတယ်။ ‌ဝေးဝေးကနေသာ မြင်ရတဲ့ ရဲတိုက်ကြီး ပုံရိပ်ကို သာ ငေးကြည့်နေရတယ်။တကယ့်တော့သူ့တစ်ဘဝလုံး ဗျူရိုကရေစီရဲ့ သားကောင်ဖြစ်ခဲ့ရတယ်။အထင်သေးမှုနဲ့ ရာထူးဆက်စပ်နေတဲ့ ဗျူရိုကရေစီတုံးအမှုနဲ့ ရာထူး တိုက်ရိုက်အချိုးမကျတဲ့ ဗျူရိုကရေစီအကြောင်းကိုမြင်ရမယ်။ဘော်လီဘောပုတ်နေကြတဲ့ ဗျူရိုကရေစီ သဘော၊ စိတ်ပျက်စရာ ဗျူရိုကရေစီကဒီလူသားအတွက် ငရဲဖြစ်ခဲ့တယ်။ဝေဒနာတစ်ခု ခံစားလာရတယ်၊ ရောဂါတော့မဟုတ်ဘူး။ ဇာတ်ကောင်ရောက်သွားတဲ့အရပ်ဒေသ ရာသီဉတု နှင့် သပ္ပာယ မမျှခြင်းသာဖြစ်တယ်။နားမလည်နိုင်တဲ့ ပြောစကားများက ........

ဖရန့်ကက်ဖကာဟာ လူတွေရဲ့အမှန်တရားလို့လက်ခံထားတဲ့အရာကို မုန်းခဲ့တယ်။ဗျူရိုကရေစီဆိုတဲ့ အုပ်ချုပ်ရေးယန္တရားကို မုန်းခဲ့တယ်။ဒီအရာတွေကို the castle အမည်ရတဲ့ ဝတ္ထုမှာ ချရေးခဲ့တယ် ။ဗျူရိုကရေစီရဲ့ သားကောင်ဟာ ဝတ္ထုကို အဆုံးသတ်တဲ့ထိ အားမတင်းသွားရှာဘူး။လူတွေရဲ့မာယာမျက်နှာဖုံးတွေကို သူနားလည်လာတဲ့အချိန် ချရေးခဲ့တဲ့ဝတ္ထုတစ်ပုဒ်က စာတစ်ကြောင်းဟာ
ကမ္ဘာကျော်ခဲ့တယ်။

"ဒီကို ငါက ငါ့မျက်နှာအစစ်နဲ့ရောက်လာခဲ့တယ် ။
တဖြည်းဖြည်း ဒါကို ငါနားလည် လာတဲ့အချိန် ငါ့ကိုငါ အရှက်ရခဲ့တယ်။ "

ဇာတ်လမ်းအသားပေးမဟုတ်ဘဲဖြစ်တည်မှု ဒဿန အသားပေးဖြစ်တဲ့အတွက်ဒဿနဇာတ်လမ်းတစ်ခု ဖတ်ရသလိုသာခံစားရပါတယ်။ဘဝမှာ အမြဲလိုလို ဆန့်ကျင်ဘက်တွေ အပြည့်နဲ့ပါ။ရှုပ်ထွေးတဲ့ စာအုပ်ဖြစ်တယ်။ ဒါပေမယ့် စာအုပ်ကောင်းတစ်အုပ်ပါ။ ဒဿနဆိုင်ရာ သက်ရောက်မှုများက ကြီးမားတယ်။ ဒီစာအုပ်ရဲ့ အဓိပ္ပာယ်ဖွင့်ဆိုချက်ကို သင်လက်ခံပါက The Castle က ကမ္ဘာပေါ်ရှိ ဘုရားရှိခိုးကျောင်းတစ်ခုဖြစ်သွားလိမ့်မယ်။ စာအုပ် ဖန်တီးသူသူရဲကောင်းကို ဘာကြောင့် လောကကြီးကဆိုးရွားစွာ ပြုမူဆက်ဆံခဲ့သလဲဆိုတာတော့ စဉ်းစားစရာပါ။အလွန်ကွဲပြားတဲ့ ဇာတ်လမ်းအမျိုးအစားနှင့် မပြီးဆုံးသေးတဲ့ စာအုပ်တစ်အုပ်၊ ကိုယ်ရေးကိုယ်တာ အရေးအသားဖြစ်ထွန်းမှုများကို စာဖတ်သူ မြင်လာဖို့ ဖတ်ရခက်တဲ့ စာအုပ်တစ်အုပ်ပါပဲ။

The Castle က Kafka's Metamorphosis နှင့် The Trial ကဲ့သို့နာမည်ကျော်ကြားခြင်းမရှိပါဘူး။ စာဖတ်သူအတွက် နှစ်သက်စရာ များများစားစား မပါဝင်ပါဘူး။ခေတ်မီအကြောင်းအရာများကြားထဲမှာ ဆင့်ကဲပြောင်းလဲမှုကို စိတ်ဝင်စားသူအတွက်၊ Totalitarian၊ great suffering in Society ခွဲခြမ်းစိတ်ဖြာမှုရင်းမြစ်ကိုသိချင်သူတွေအတွက်သာ အဆင်ပြေလိမ့်မယ်။The Castle ထဲတွင် ကင်းကွာခြင်း၊ တုံ့ပြန်မှုမရှိတဲ့ ဗျူရိုကရေစီစနစ်၊ ပွင့်လင်းမြင်သာမှုမရှိ၊ ထင်သလိုပုံဖော်ရသော ထိန်းချုပ်မှုစနစ်များကိုတွေ့ရလိမ့်မယ်။

ဖရန့်ကက်ဖကာ ဆိုတာ ဂျော့ခ်ျအော်ဝဲလ် နှင့် အဲဘတ်ကမူး ကဲ့သို့ပင်၊ သူတို့အမည်ကို သူတို့ဝတ္ထုများတွင် ပြန်လည်အမှတ်ရစေနိုင်တယ်။ လက်တွေ့ဘဝအခြေအနေများကို နာမဝိသေသနအဖြစ် ပြောင်းလဲ ဖော်ပြထားတယ်။သူတို့လက်ရာတွေကို ဖတ်ရတာ နားလည်ဖို့ခက်တယ်။ စာပေက အရမ်းဆန်းသစ်နေနိုင်ပေမယ့် အချိန်ကြာလာတာနဲ့အမျှ တန်ဖိုးထားမှုက မြင့်လာတယ်။

𝘗𝘭𝘦𝘢𝘴𝘦 𝘠𝘰𝘶𝘛𝘶𝘣𝘦🔻
https://youtube.com/@ReviewsbyBenevolent?si=WusMbsWGmcyPAiFu

𝘗𝘭𝘦𝘢𝘴𝘦 𝘛𝘦𝘭𝘦𝘨𝘳𝘢𝘮 🔻
https://t.me/reviewsbybenevolent

စာဖတ်ခြင်းက အတွေးကို ပြောင်းလဲစေတယ်။📖

Benevolent Guy

#reviewsbybenevolent