ရွှေပန်း ( တမျက်နှာဟာသ )

"ရွှေပန်း"
............

"လူဆိုတာ...ရွှေရှိမှ မျိုးတော်ချင်တာ၊ ရွှေမရှိရင် စကားသွားပြောရင်တောင် တလှိုက်တလှဲ ပြန်မပြောချင်တတ်ကြဘူး"

သူငယ်ချင်းက ဆိုသည်။

"ပန်းနဲ့ပေါက်တာမနာပေမယ့် စကားနဲ့ပေါက်ရင် နာသတဲ့၊ မပြောတော့လည်း နာစရာမရှိဘူးပေါ့ "

ကိုယ်ကပြန်ပြောလိုက်သည်။

"ငါ့ကိုမတန်ဘူးဆိုပြီး မပြောတာလည်းဖြစ်မှာပေါ့"

သူငယ်ချင်းက သူ့အတွေးနှင့် ထပ်ဓွန့်တက်သည်။

"လူတယောက်မှာ စကားတခုကို နာကျင်သွားရင် သံသရာအထိ အငြှိုးထားတတ်ကြသတဲ့၊ အဲ့ဒီ့တော့ မပြောကြတဲ့အခါ စကားနဲ့ပေါက်တာမျိုး မကြုံရတော့ဘူးလေ၊ မင်းရွှေရှိမှ ပန်းနဲ့ပေါက်ရင် ပေါက်မှာပေါ့"
ကိုယ်က အကျယ်ချဲ့ရှင်းပြမိသည်။

"ဘာပန်းလဲ...ဂေါ်ဖီပန်းနဲ့လား"
သူငယ်ချင်းက ဘုတောသည်။

"ရွှေချင်းထပ်မယ်ဆိုပြီး...အဲ....ရွှေပန်းနဲ့"

"ခွီး.."


#တော်တော်တည်