dawna
ဘဝကို ဘယ်လိုပုံစံဖြင့် အဓိပ္ပါယ်ရှိအောင် နေရပါမည်နည်း ဆိုသည့် မေးခွန်းသည် ကျွန်တော့်ကို ခေါင်းစားစေသည်ကိုမူ မငြင်းသာပါ။ အဓိပ္ပါယ်ကို နားလည်ရအောင် ကျွန်တော်သည် အဓိပ္ပါယ်ဆိုသည်မှာ ဘာလဲကို ဦးစွာ ဆင်ခြင်ဖို့ဖြစ်လာသည်။ နားရှုပ်သွားမည်ကိုမူသိပါ၏။ ကျွန်တော်ဆိုလိုသည်မှာ အဓိပ္ပါယ်၏ အဓိပ္ပါယ်ဖြစ်ပါသည်။
အကြောင်းရင်းခံသည် အဓိပ္ပါယ်တစ်ခုဖြစ်နိုင်သည်။ အကြောင်းပြချက်လည်းဖြစ်နိုင်သည်။ ၎င်းမှာ ကိုယ်စားပြုရုံ သက်သက်လည်း ဖြစ်နိုင်သည်။ သို့မဟုတ် အဓိပ္ပါယ်သည် ရည်ရွယ်ချက်ကို ဖော်ပြခြင်းလည်း ဖြစ်သည်ဟု ဆိုကြ၏။
ကျွန်တော့်အတွက်မူ အဓိပ္ပါယ်သည် အကြောင်းရင်းခံ တစ်ခုဖြစ်သည်။ လုပ်ရန်ရှိသော အကြောင်းတစ်ခုကို လုပ်လိုက်သောကြောင့် ပြီးမြောက်ခြင်းရလဒ်က ပီတိဖြစ်စေပြီး အဓိပ္ပါယ်ရှိသည်ဟု စကားလုံးဖြင့် အမွှန်းတင်သော စကားလည်းဖြစ်နိုင်မည်။ သို့သော် ကျွန်တော်၏ စကားလုံးကန့်သတ်ချက်ကိုမူ အတိအလင်းဝန်ခံပါ၏။ များစွာ မရေးတတ်မပြောတတ်ပါ။ သို့သော် အဓိပ္ပါယ်ရှိသော စကားဖြစ်ဖို့ကား အာမဘန္တေခံရပေမည်။
ဒေါန
တနင်္လာ။
Keep Reading