မျက်နှာဖုံး

တစ်ခါတလေတော့လည်း လူတစ်ချို့အကြောင်း
သိရတဲ့အခါ တိတ်တိတ်လေး ထိုင်အံ့သြနေရုံက
လွဲပြီး ဘာမှမလုပ်ချင်တော့ဘူး။

ကိုယ့်အပေါ်ကောင်းသလိုလိုနဲ့ ရှေ့တစ်မျိုး၊
ကွယ်ရာ တစ်မျိုး ဆက်ဆံရေးတွေ၊

ကြီးကြီးကျယ်ကျယ် စကားတွေပြောပြီး
စကားနဲ့မညီတဲ့ လုပ်ရပ်တွေအားပေးဖေးမသလိုလိုနဲ့ ရိုက်ချိုးသွားတဲ့ ပါးစပ်တွေ၊

ရေးနေတဲ့စာတွေနဲ့ မတူညီတဲ့ စိတ်ဓာတ်တွေ၊
နောက်ကျောဓားနဲ့ထိုးတဲ့ လက်တွေ၊

ပြဿနာမရှိဘဲ မခေါ်မပြောနိုင်တော့တဲ့ လူတွေ

နီးရာဓားကြောက်ရတယ်ဆိုတဲ့ လူတွေအကြောင်း သိရတဲ့အခါ
တကယ်ပါ တိတ်တိတ်လေးပဲ အံ့သြနေမိတော့တာ။

သူက ဒီလိုလူပါလား။
သူက ကိုယ့်အပေါ် ဒီလိုပါလား ဒီလောက်ပဲ တွေးတော့တယ်။
ဘာလို့ ဒီလိုလုပ်ရတာလဲဆိုတဲ့ မေးခွန်းတွေလည်း မမေးချင်တော့ဘူး။
တစ်ယောက် တစ်ခွန်း စကားတွေလည်း မများချင်တော့ဘူး။

တစ်ခါတလေတော့လည်း မျက်နှာဖုံးတွေနဲ့ လူတွေကိုထိုင်ကြည့်ရတာ ရယ်စရာတော့ကောင်းသား...

မောင်နိုင်အေး