Insulin အကြောင်းသိကောင်းစရာအဖြာဖြာ

အင်ဆူလင်သည် လူ့ခန္ဓာကိုယ်မှာ အရေးကြီးတဲ့ လုပ်ငန်းဆောင်တာများစွာကို လုပ်ဆောင် ပေးတဲ့ ပန်ကရိယမှ ထုတ်ပေးသော ဟော်မုန်းဖြစ်ပါတယ်။ အင်ဆူလင်ဟာ ဂလူးကို့စ်ကို အသည်း၊ အဆီနှင့် ကြွက်သားတွေမှာ သိုလှောင်ဖို့ ကူညီပေးပါတယ်။ ဒါ့အပြင် သင့်ခန္ဓာကိုယ်၏ ကာဗိုဟိုက်ဒရိတ်၊ အဆီနှင့် ပရိုတင်းများရဲ့ ဇီဝကမ္မဖြစ်ပျက်မှုကိုလည်း ထိန်းညှိပေးပါတယ်။ ဒါဟာ အရေးကြီးတယ်လို့ ထင်ရပါသလား?
ဟုတ်ပါတယ်….အလွန်အရေးကြီးပါတယ်၊ ဘာဖြစ်လို့လဲဆိုတော့-

အင်ဆူလင်ဟာ ခန္ဓာကိုယ်မှာ သွေးတွင်း သကြားဓာတ်ပမာဏကို ထိန်းညှိရန်နှင့် ပိုလျှံနေတဲ့ ဂလူးကို့စ် များကို စွမ်းအင်အဖြစ် သိုလှောင်ရန် ကူညီပေးရုံသာမက ခန္ဓာကိုယ်ရှီ အခြားအောက်ဖော်ပြပါ အခန်းကဏ္ဍများဖြစ်သော-
- ခန္ဓာကိုယ်အတွင်းရှိ အင်ဇိုင်းများ၏ လုပ်ဆောင်ချက်နှင့် ရလဒ်များကို ပြုပြင်မွမ်းမံခြင်း
- ဖျားနာခြင်း သို့မဟုတ် ထိခိုက်ဒဏ်ရာရပြီးနောက် လိုအပ်သော အမိုင်နိုအက်ဆစ်များအား ကြွက်သားတစ်သျှူးများဆီသို့ ပို့ဆောင်ပေးခြင်းဖြင့် ကြွက်သားတည်ဆောက်ခြင်းကို လုပ်ဆောင်ပေးခြင်း။ (အမိုင်နိုအက်ဆစ်ဟာ ကြွက်သား ပျက်စီးမှုကို ပြုပြင်ရန်နှင့် ကြွက်သား အရွယ်အစားနှင့် ခွန်အားတိုးလာစေရန်အတွက် လိုအပ်ပါတယ်။ အင်ဆူလင်ဟာ အမိုင်နိုအက်ဆစ်များအား ခန္ဓာကိုယ်မှ စုပ်ယူမှု၊ DNA ပွားမှုနှင့် ပရိုတင်းထုတ်လုပ်မှုတို့ကို ထိန်းညှိရာမှာ ကူညီပေးပါတယ်။)
- အဆီတည်ဆောက်မှုကို ထိန်းညှိပေးခြင်း
- အဆီဆဲလ်များ ပြောင်းလဲခြင်းကြောင့် ဖြစ်လာသော ပရိုတင်းနှင့် အဆီများ ပြိုကွဲခြင်းကို ထိန်းညှိပေးခြင်း
- အမိုင်နိုအက်ဆစ်နှင့် ပိုတက်စီယမ်တို့ကို စုပ်ယူပေးခြင်း (အင်ဆူလင်မရှိလျှင် ထို ၂ မျိုးကို ခန္ဓာကိုယ်မှ မစုပ်ယူနိုင်ပါ)
- ဆီးထဲတွင် စွန့်ထုတ်လိုက်သော ဆိုဒီယမ်နှင့် အရည်ပမာဏ ကို ထိန်းညှိပေးခြင်း
- ဦးနှောက်မှတ်ဉာဏ်နှင့် သင်ယူမှုစွမ်းရည်ကို မြှင့်တင်ပေးခြင်း စသည်တို့တွင် ပါဝင် လုပ်ဆောင်ပေးပါတယ်။

? ဘယ်သူတွေက အင်ဆူလင်ထိုးဖို့ လိုအပ်လဲ။ ဘယ်လိုလူမျိုးတွေက အင်ဆူလင်ကို အားကိုးဖို့ လိုအပ်လဲ။

အမျိုးအစား ၁ ဆီးချိုရောဂါရှိသူများ (ခန္ဓာကိုယ်က အင်ဆူလင် မထုတ်နိုင်သောကြောင့် သွေးတွင်းသကြားပမာဏကို မထိန်းနိုင်သောအခြေအနေ) သို့မဟုတ်
သောက်ဆေးဖြင့် ထိန်းချုပ်၍ မရနိုင်သော အမျိုးအစား ၂ ဆီးချိုရောဂါရှိသူများ (ခန္ဓာကိုယ်မှ အင်ဆူလင်ကို ပုံမှန်အတိုင်း မထုတ်လုပ်ခြင်း သို့မဟုတ် အသုံးမပြုခြင်းကြောင့် သွေးတွင်းသကြားဓာတ်များလွန်းသော အခြေအနေ) များ မှာ အင်ဆူလင်ကို လိုအပ်ပါတယ်။

? အင်ဆူလင်ကို လိုအပ်တဲ့ ဆီးချိုရောဂါရဲ့ ရောဂါလက္ခဏာတွေက ဘာတွေလဲ။
ဆီးချိုရောဂါလက္ခဏာများဟာ သင့်ရဲ့သွေးတွင်းသကြားပမာဏ မည်မျှမြင့်တက်သည် အပေါ် မူတည်ပြီး ကွဲပြားပါတယ်။ အချို့လူများ၊ အထူးသဖြင့် ကြိုတင်ဆီးချိုရောဂါ (သို့) အမျိုးအစား ၂ ဆီးချိုရောဂါရှိသူများသည် အစပိုင်းတွင် ရောဂါလက္ခဏာမခံစားရပေ။ အမျိုးအစား ၁ ဆီးချိုရောဂါ မှာကျတော့ ရောဂါလက္ခဏာများက လျင်မြန်စွာပေါ်လာပြီး ပို၍ ပြင်းထန်လေ့ရှိပါတယ်။ အမျိုးအစား (၂) မျိုးလုံးမှာ အဖြစ်များတဲ့ ရောဂါလက္ခဏာ တွေကတော့-
• ပုံမှန်ထက် ရေငတ်ခြင်း
• ဆီးမကြာခဏသွားခြင်း
• အလွန်အမင်းဆာလောင်ခြင်း
• အကြောင်းအရင်းမရှိ ကိုယ်အလေးချိန်ကျခြင်း
• ပင်ပန်းနွမ်းလျခြင်း
• အမြင်ဝေဝါးခြင်း
• အနာကျက်နှေးခြင်း
• ‌မကြာခဏ ရောဂါပိုးဝင်ခြင်း (ဥပမာ- သွားဖုံး၊ အရေပြား၊ မိန်းမကိုယ်တို့တွင်ပိုးဝင်ခြင်း) စတာတွေပဲဖြစ်ပါတယ်။

? အင်ဆူလင်ကို ဘယ်တော့ ထိုးသင့်လဲ။ ဘယ်လိုထိုးမလဲ။
အင်ဆူလင်ထိုးဆေးကို ဆီးချိုရောဂါအမျိုးအစား နှစ်မျိုးစလုံးမှာ အသုံးပြုနိုင် ပါတယ်။ ခန္ဓာကိုယ်က အင်ဆူလင်ကို လုံလောက်အောင် မထုတ်နိုင်တဲ့အတွက် ထိုးဆေးအနေနဲ့ ထိုးပေးခြင်းဖြစ်ပါတယ်။ အမျိုးအစား ၁ ဆီးချိုရောဂါရှိသူတွေမှာဆိုရင် အင်ဆူလင်ကို မထုတ်နိုင်သောကြောင့် ဆီးချိုရောဂါကို ထိန်းချုပ်ရန်အတွက် အင်ဆူလင်ထိုးဖို့ လိုအပ်ပါတယ်။
အမျိုးအစား (၂) ဆီးချိုရောဂါရှိသူများအနေနဲ့ သွေးတွင်းသကြားဓာတ်ကို ထိန်းချုပ်ရန်အတွက် ၎င်းတို့၏ နေထိုင်မှုပုံစံနှင့် အစားအသောက်ကို ပြောင်းလဲရန် လိုအပ်ပါတယ်။ ဆေးဝါးများအား အသုံးပြုပြီး ဦးစွာကုသနိုင်ပါတယ်။ ဖော်ပြပါနည်းလမ်းတွေနဲ့ ထိရောက်မှုမရှိမှသာ အင်ဆူလင် ထိုးခြင်းကို အသုံးပြုကြပါတယ်။

အင်ဆူလင်ထိုးဆေး ၂ မျိုးရှိပါတယ်- Syringe ဖြင့်ထိုးခြင်းနှင့် Pen ဖြင့် ထိုးခြင်း တို့ပါ။ အသင့်တော်ဆုံး ကို ဆရာဝန်က ညွှန်ပေးပါလိမ့်မယ်။ လူနာက မိမိဘာသာ ဆေးထိုးပါက Syringe ဖြင့်ထိုးခြင်းဟာ လွဲချော်နိုင်ခြေ ပိုများသော်လည်း Pen ဖြင့် ထိုးခြင်းကတော့ အသုံးပြုရ ပိုမိုလွယ်ကူပြီး အမှားအယွင်း ဖြစ်နိုင်ခြေ နည်းပါတယ်။

အင်ဆူလင်ထိုးတော့မယ်ဆိုရင် အောက်ပါပစ္စည်းများ ဖြစ်သော-
- အင်ဆူလင်ထိုးအပ်များ (Syringe သို့မဟုတ် Pen)
- အရက်ပြန်စိမ်ထားသော ဂွမ်းစ
အင်ဆူလင် Pen ရဲ့ထိပ်မှာ တပ်ဖို့ အပ်တစ်ချောင်း လိုအပ်မှာဖြစ်ပါတယ်။

အင်ဆူလင်ထိုးခြင်းကိုလုပ်ဆောင်ရာတွင်-
✅ဆေးမထိုးမီ လက်ကို