Autism ရောဂါအကြောင်းသိကောင်းစရာအဖြာဖြာ

အော်တစ်ဇင် (Autism) အကြောင်းသိကောင်းစရာ

Autismဆိုတာ စိတ်ကျန်းမာရေးချို့တဲ့ခြင်းလည်းမဟုတ်သလို၊ ရောဂါခံစားရလို့ နာမကျန်းဖြစ်ခြင်းမျိုးလည်းမဟုတ်ဘဲ ဦးနှောက်အလုပ်လုပ်ပုံဟာ ငယ်ဘ၀မှ စတင်ကာသာမန်လူများနဲ့မတူဘဲ ထူးခြားစွာ ကွဲပြားတဲ့ အခြေအနေမျိုးရှိသူများသာဖြစ်ပါတယ်ရှင် ..

အော်တစ်ဇင် (Autism) ရှိသူတွေရဲ့ ဦးနှောက်ဖွံ့ဖြိုးမှုဟာ အခြားသူများနဲ့ ခြားနားနေခြင်းကြောင့် လူအများနဲ့ဆက်သွယ်ပြောဆိုရာမှာ တုန့်ပြန်မှု၊ အကြောင်းအရာတစ်ခုအပေါ်မှာ အာရုံစူးစိုက်မှု၊ သင်ယူမှု ၊ လေ့လာနိုင်စွမ်း အားနည်းမှု စတဲ့အခြေအနေတွေမှာ အဆင်မပြေခြင်း၊ ခက်ခဲခြင်းများစွာမှာ သူတို့ ကြုံတွေ့ကြရပါတယ်။


သူတို့ဟာ ဆေးကုသမှုခံယူဖို့လိုအပ်နေတာမဟုတ်သော်လည်း , အချို့သော အခြေနေများကတော့ အကူအညီရယူဖို့ လိုအပ်ချက်ရှိပါတယ်ရှင်။

အော်တစ်ဇင်ဝေဒနာခံစားရသူတွေဟာ အသက် (၉)လ၊ (၁)နှစ်ခန့် ကလေးငယ်ငယ်အရွယ်ကတည်းက လက္ခဏာပြတတ်ပါတယ်။ ပျော်ရွှင်ခြင်း၊ ဝမ်းနည်းခြင်း၊ စိတ်ဆိုးခြင်းစတဲ့ခံစားချက်တွေကို မဖော်ပြတတ်၊ မတုန့်ပြန်တတ်ကြပါဘူး။ ဆော့ကစားတတ်တဲ့အရွယ်မှာလည်း တခြားကလေးများနဲ့အတူမကစားဘဲ သီးခြားဖြစ်နေတတ်ပါတယ်။ အခြားသူများနဲ့ မျက်လုံးအကြည့်မဆုံအောင်ရှောင်ခြင်း၊ မျက်လုံးမှတဆင့်ဆက်သွယ်မှုမပြုခြင်း၊ တစုံတခုကိုပဲ တမ်းတမ်းစွဲ စိတ်ဝင်စားနေခြင်း၊ ကစားစရာတစ်မျိုးတည်းနဲ့ပဲ အမြဲတမ်းကစားနေခြင်း၊ စကားလုံးတစ်လုံးတည်း၊ စာသားတစ်စုတည်းကိုပဲ ထပ်တလဲလဲရွတ်ဆိုနေတတ်ခြင်း၊ ပုံမှန်လုပ်ရိုးလုပ်စဥ်ပုံစံတစ်ခုတည်းကိုသာမပြောင်းမလဲလုပ်ကိုင်တတ်ပြီး အနည်းငယ်မျှအပြောင်းအလဲ ဖြစ်တာကိုပင်အလွန်အမင်းစိတ်ဆိုးဒေါသထွက်ခြင်း စတဲ့ပုံမှန်မဟုတ်တဲ့လက္ခဏာများဖြစ်တတ်ပါတယ်။

အကြောင်းမဲ့ မရပ်မနားလက်ခုပ်တီးနေတတ်ခြင်း၊ ခန္ဓာကိုယ်ကိုလှည့်နေတတ်ခြင်းနဲ့ အချိန်အကြာကြီး မလှုပ်မယှက်ငြိမ်သက်နေခြင်းမျိုးလည်း ပြုတတ်ပါတယ်။ အချို့ကတော့ အလွန်အမင်း တက်ကြွလှုပ်ရှားနေခြင်း၊ အာရုံစူးစိုက်မှုမရှိဘဲ အကြောက်အလန့်မရှိပြုမူ