ငွေကြေးအောင်မြင်မှုရှာဖွေခြင်းအနုပညာ

ငွေကြေးအောင်မြင်မှုတွေ ရရှိစေဖို့ အကြံပြုချက် (၅) ရပ်

၁။ ကုန်ကျစရိတ်တွေကို ထိန်းချုပ်ပါ။

ကျွန်တော်တွေက ငွေတွေမရှာနိုင်တာမဟုတ်ပါဘူး။ ရှာနိုင်ကြပါတယ်။ ရှာသမျှအားလုံး ထွက်ကုန်တာက ကုန်ကျစရိတ်တွေကို မထိန်းချုပ်လို့ပါ။ ဝင်ငွေဘယ်လောက်ပဲ ဝင်ဝင်၊ လစာဘယ်လောက်ပဲများများ ကုန်ကျစရိတ်တွေကို မထိန်းချုပ်နိုင်ရင်တော့ ဝင်သမျှအကုန် ကုန်မှာပါပဲ။

လက်ထဲငွေမကျန်တဲ့ အဓိကအချက်ကတော့ ဝင်သမျှငွေတွေဟာ ကုန်ကျစရိတ်တွေကနေ အကုန်ထွက်သွားကြလို့ဖြစ်ပါတယ်။ ကုန်ကျစရိတ်တွေကို စနစ်တကျ မထိန်းချုပ်နိုင်ရင်တော့ ရှာသမျှ အဖတ်တင်ကျန်ခဲ့မှာ မဟုတ်ပါဘူး။ ဒါကြောင့် ကုန်ကျစရိတ်တွေကို သေချာစိစစ်ပါ။ မလိုအပ်တဲ့ ကုန်ကျစရိတ်တွေကို လျော့ချပစ်ပါ။ မလိုအပ်ဘဲ ငွေဖြုန်းမိနေ တာတွေကို လျှော့ချပစ်ပါ။

-----

၂။ ပိုင်ဆိုင်မှုတွေကို တည်ဆောက်ဖို့အာရုံစိုက်ပါ။

ငွေကြေးလွတ်မြောက်ဖို့အတွက် အဓိကသော့ချက်ကတော့ passive income ဝင်ငွေတွေကို ရရှိစေမယ့် ပိုင်ဆိုင်မှု Assets တွေကို ရယူတည်ဆောက်ထားခြင်းပါပဲ။ ကိုယ့်မှာရှိတဲ့ ငွေတွေကို အသုံးချတော့မယ်ဆိုရင် ဒီဝယ်ယူမှုဟာ ပိုင်ဆိုင်မှုဖြစ်မလား၊ ပေးဆပ်မှုဖြစ်မလား (Assets or Liabilities) ဆိုတာကို အမြဲသုံးသပ်ဆင်ခြင်ပါ။

ပိုင်ဆိုင်မှုမှန်ရင် သင့်ကို ငွေတွေရှာပေးပါတယ်။ ကြွယ်ဝမှုကို တိုးပွားစေပါတယ်။ အချိန်ကြာလာတာနဲ့အမျှ တန်ဖိုးတက်လာစေတဲ့ ပိုင်ဆိုင်မှုတွေ၊ ပုံမှန်ဝင်ငွေစီးဆင်းမှုတွေကို မပြတ်ပေးနေတဲ့ ပိုင်ဆိုင်မှုတွေကို တည်ဆောက်ဖို့ အာရုံစိုက်ပါ။

-----

၃။ ရင်းနှီးမြှုပ်နှံမှုကို လေ့လာပါ။

ရင်းနှီးမြှုပ်နှံမှုဟာ အကျိုးအမြတ်တွေ ပြန်လည်ရရှိဖြစ်ထွန်းလာအောင်ပွားများတဲ့ ပညာရပ်တစ်ခုပါ။ ကိုယ့်ငွေတွေကို ကိုယ့်အတွက် အလုပ်လုပ်ခိုင်းတဲ့ လုပ်ငန်းစဉ်တစ်ခုလည်းဖြစ်ပါတယ်။ အနာဂတ်အတွက် ရည်ရွယ်ပြီး ရင်းနှီးမြှုပ်နှံမှုတွေကို မလုပ်ထားရင် အချိန်လွန်တဲ့အခါမှ နောင်တတွေရတတ်ပါတယ်။

ငွေကြေးအရ အောင်မြင်လွတ်မြောက်ဖို့ဆိုရင် ငွေအတွက်အလုပ်လုပ်ပြီး လှိမ့်ရှာနေရုံနဲ့ မလုံလောက်သေးပါဘူး။ ရှာဖွေလို့ ရလာတဲ့ ငွေကြေးတွေကို အကျိုးရှိအောင် ဆက်လက်ပွားများ ရင်းနှီးမြှုပ်နှံရမှာဖြစ်ပါတယ်။ ရင်းနှီးမြှုပ်နှံမှုကို လေ့လာသင့်ယူခြင်းဟာ ကြွယ်ဝမှုကိုတည်ဆောက်ဖို့ သင်ယူနေခြင်းပဲဖြစ်ပ