လူအမျိုးမျိုးအကြောင်း တစ်ပိုင်းတစ်စများ

တစ်ချို့က
ဒေါသလေးတစ်မြမြနဲ့ ဟန်လုပ်နေတတ်တဲ့
လူတတ်ကြီးတွေလည်း ရှိတယ်
သူတို့က ဘာပဲပြောပြော ဒေါသလေးနဲ့
ပွဲသိမ်းလိုက်ရမှ နေသာထိုင်သာရှိတတ်ကြတယ်

တစ်ချို့ကတော့
ပညာတတ်ယောင်ဆောင်ထားတဲ့
လူ့ဂွစာတွေ ဖြစ်ပြန်တယ်
ဒဿနတွေ တစ်သီတစ်တန်းကြီး ကြားထဲကနေ
ငါမှအမှန်ဆိုတာကလည်း ရှိပြန်တယ်

တစ်ချို့က
လိမ်ညာနဲ့ အပေါင်းအဖော်လုပ်နေသူ
တစ်ချို့ကျပြန်တော့ တစ်ယူသန်

ဒါပေမဲ့ တစ်ချို့က
စေတနာတွေ ထက်သန်လို့ ကူညီပေးသူ
တစ်ချို့ကတော့ အေးအေးဆေးဆေးနဲ့
ဒေါသဆိုသည်မှာ ဘယ်ဆီနေမှန်းမသိသူ

နောက်လူတစ်ချို့ကျပြန်တော့
အမှန်မှအမှန် ဘက်လိုက်တယ်ဆိုတာ
သူ့ဉပဒေမှာ မရှိဘူး
တစ်ချို့က သူ့ဒဿနနဲ့သူ ဘယ်သူ့မှ ရန်မလုပ်ဘဲ
ကိုယ့်ဘဝကို ကျေနပ်နေသူ

တစ်ချို့က
လေးစားမှုကို ဆရာတင်ထားပြီး ယဉ်ကျေးလိမ္မာသူ
တစ်ချို့ကတော့
ပညာတကယ်တတ်ပြီး နေရာတိုင်းမှာ
ဆရာကြီးမလုပ်တတ်သူ ဖြစ်ပြန်တယ်။

တစ်ချို့ကတော့....
စသည်ဖြင့် လူအမျိုးမျိုး ရှိကြတယ်။ ဒီလောကကြီးမှာ လူလူချင်းတူပေမဲ့ စိတ်ဓာတ်တွေ ကွဲပြားကြပါတယ်။ ဒါကြောင့် ကိုယ်ကဘယ်လိုလူလဲ ဆန်းစစ်ပြီး လူကောင်းဖြစ်အောင် နေထိုင်ရပါမယ်။ အပေါင်းအသင်းထားတဲ့အခါ သတိထားပြီး ပေါင်းသင်းကြပါ။ စိတ်ဓာတ်တွေလှဖို့ဆိုရင် ကိုယ်တိုင်ကအရင် လှဖို့လိုအပ်ပါတယ်။ ဒါပေမဲ့လည်း လောကကြီးဆိုတာ ဆန့်ကျင်ဘက်တွေပေါင်းမှ အဓိပ္ပါယ်ရှိပြန်တယ်။ ။

#thoonkari
#sarphat

စာဖတ်သူလေးတွေ ကိုယ်စိတ်နှစ်ဖြာ ရွှင်လန်းကြပါစေရှင်?

စာဖတ်သူတစ်ယောက်ချင်းစီ တစ်ယောက်ချင်းစီတိုင်းကို အစဉ်အမြဲ ကျေးဇူးတင်လျက်...