ယမကာလုလင်တို့စကားဝိုင်း

နေသာသော တနင်္ဂနွေညနေ တစ်ရက် ၁၉လမ်းထဲက ဘီယာဆိုင်တစ်ဆိုင်သို့ လူလတ်ပိုင်းလေးရောက် စကားတပြောပြောနှင့်ဝင်လာကြ​၏။ ထိူသူတို့ကား မွေရပ်မြေအညာကနေ ရန်ကုန်သို့တက်လာပြီး အလုပ်လုပ်ကိုင်နေကြသော ခေတ်ပညာတတ်လူငယ်များဖြစ်ကြ​၏။ တစ်ရွာထဲသားငယ်သူငယ်ချင်းတွေဆိုတော့ တစ်လတစ်ခါဖြစ်စေ နှစ်လတစ်ခါဖြစ်စေ ဆုံပြီးဘီယာဆိုင်ထိုင့်လေ့ရှိ​၏။
ထောင့်ကလွတ်နေတဲ့နေရာမှဝင်ထိုင်ရင်း သာဒင်က"ကဲဘာသောက်ကြမလဲ စည်ဘီယာလား ပုလင်းလား"ဟုမေးလိုက်​၏။ ဝက်ကြီးက "Tiger စည်သောက်မယ်ကွာ"ဟုဝင်ပြော​၏။ သာရှင်က "မင်းတို့ကြိုက်သာဆော်ကွာ"ဟုပြော​၏။တင်မောင်က ဖုန်းပွတ်နေရင်းက "စည်ပဲကောင်းပါတယ်"ဟုမော့မကြည့်ပဲဆို၏။
သာဒင်က waiterကိုလှမ်းခေါ်ရင်း "အမြည်းဘာမှာမလဲ"မေးလိုက်​၏။ သာရှင်က "ငါးရှဉ့်ခြောက်စပ်နှင့် ကန်ဇွန်းပလိန်းမှာကွာ"ဟုပြော​၏။ waiterကောင်လေးရောက်လာတော့ သာဒင်က"ညီလေး Tiger စည်လေးခွက် ငါးရှဉ်ခြောက်စပ်ရယ် ကန်ဇွန်းပလိန်းအရင်ချပေးနော်"ဟုမှာ​၏၊ ထိုစဉ် ဖုန်းပွတ်နေသော တင်မောင်က"ရူဘီတစ်ပွဲကောညီ"ဟု လှမ်းအော်လိုက်​၏။ တင်မောင်​၏ အသံမဆုံးသေးခင် ဝက်ကြီးက တင်မောင်ကိုလှမ်းဆဲ​၏ " ငါ့ ီးမှဖုန်းချထာကွာ တစ်ခါတလေဆုံရတာ ဖုန်းပဲပွတ်မနေနဲ့ အိမ်ရောက်မှပွတ်"ဟုဆဲ​၏။ တင်မောင်က ဘာမှပြန်မပြောပဲ အကြောဆန့်ပြီး ဖုန်းအသာချ​၏၊ waiterကစည်လေးခွက်အရင်လာချ​၏ အမြည်းမရောက်သေးပေမဲ့ ၄ယောက်သား ခွက်ကိုင်မြောက်ကြရင်း ခွက်ချင်းတိုက်ကြ​၏။ သာဒင်က ခွက်တွေမချခင် "စော်ကြည် ထီပေါက် နိဗ္ဗာန်ရောက်"ဟုအော်လိုက်​၏။ ဝက်ကြီးက အညာသားတို့ ထိုစံအတိုင်း"ငါ ိုးမ စော်ကြည်ပြီး ထီပေါက်ရင်တော်ပါပြီကွာ ဘီယာသောက်ရင်း နိဗ္ဗာန်တော့ ဆုမတောင်းချင်ပါဘူး" ဟုအရွှင်းဖောတ်​၏။ထိုစဉ် မှာထားသော ကန်ဇွန်းရွက်ကြော်နှင့် ငါးရှဉ့်ခြောက်စပ်ကြော်ရောက်လာ​၏၊ စည်ဘီယာ တစ်ခွက်မကုန်ခင်ကတော့ တစ်ယောက်နှင့်တစ်ယောက် လူမှုရေး စီးပွါးရေး သာကြောင်းမာကြောင်းတွေလောက်သာပြောဆိုကြ​၏၊ ၃ခွက်အကုန်လေးခွက်မြောက်လောက်ရောက်တော့ သာဒင်က "ဟိုနေ့က online shop တစ်ခုက သူpageမှာ Like &Followers များအောင် မေခွန်းမေးတဲ့ပုံစံနဲ့ ဟာသတစ်ခုတင်တာကွာ အောက်ကမန့်တွေဖတ်ပြီး ငါ့တော့မရယ်ရပဲ စိတ်ထဲတစ်မျိုးကြီးကွာ"ဟု စကားအစပ်မရှိထပြောလေ။သာရှင်က "ဘာတွေတင်လို့ ဘာတွေမန့်ပြီး မင်းကစိတ်ထဲတစ်မျိုးဖြစ်နေတာတုန်းဟ"ဟုမေးလိုက်​၏၊သာဒင်က "တင်တဲ့ပိုစ်က ဒီလိုကွာ သီပေါမင်းပါတော်မူတော့ သင်္ဘောတက်ခါနီးဘာပြောသွားတုန်းတဲ့ အဲ့လောက်ပဲဟာသအနေနဲ့မေးတာကွာ ဝင်မန့်တဲ့သူတွေရေးထားတာ ကလည်း မင်းတို့တွေးကြည့်ဦး။ "ပက်စ်ပို့ စာအုပ်မပါပဲ နိုင်ငံခြားကိုဖ
ရီးသွားတော့မယ်ပျော်လိုက်တာတို့ "
"စုစုကို့လက်ကိုင်ထားပြုတ်ကြမယ်တို့" ဟာသင်္ဘောကြီးပါလားလို့ "အဲ့ပေါက်ကရတွေမန့်ကြတာ"ဟုပြောလေ​၏၊ဝက်ကြီးက "အေးလေသူတိုသူ့ဟာသရေးတာမင်းကဘာဖြစ်ဟု"ပြောပြန်​၏။သာဒင်က "သမိုင်းနည်းနည်းလေ့လာပြီး သီးပေါမင်းနေရာကလူသားတစ်ယောက်အနေနဲ့ ဝင်ခံစားကြည့်မိလို့ပါကွာ" ဟုပြောရင်း ငါ့ရှဉ်ခြောက်စပ်တစ်ကောင်ကောက်ဝါး​၏။တင်မောင်က ဘီယာတစ်ကြိုက်မော့ပြီး "ဟတယ်ဆိုတဲ့စာပါလား လုပ်စမ်းပါဦး မောင်ရင်"ဟု ဝင်နှောက်​၏။ထိုစဉ် သာရှင်က "စကားကလည်းကောင်းနေတာ ဘီယာလည်းမရှိအမြီးလည်းကုန်ပြီဟ ထပ်မှာကြဦး" ဟုလျှာလေးလေးနှင့် ပြော​၏၊ သာဒင်က waiter ကိုလက်လှမ်ပြီးအချက်ပေးရင်း အနားရောက်လာသောကောင်လေးကို "ဘီယာ၄ခွက် အဖိုးကြီးသုပ်တစ်ပွဲပေးဦး ညီလေး"ဟုမှာ​၏။ ဝက်ကြီးက နောက်ဆုံးကျန်သောကန်ဇွန်းရွက်ကြော်နည်းနည်းကိုတူနှင့်ယူစားရင်းက "ခုနဟာလေးလေးဆက်ပါဦး မင်းတုန်းမင်း ဟာ လွဲကုန်ပြီ သီပေါမင်း အေးအဲ့ဒါလေးလုပ်ပါဦး"ဟုစကားပြန်စ​၏။ သာဒင်က "ဒီလိုကွာ သီပေါမင်းက ပထမပြန်အောင်ပြီးသား ပဉ္ဇင်းလူထွက် ရှင်ဘုရင်ဖြစ်ဖို့ စိတ်ကူးရှိခဲ့မှာမဟုတ်ဘူး၊ သူ့ယောက္ခမရှင်ဖြူမရှင်က သားမရှိတော့ စုဘုရားလတ်​၏ငယ်ချစ်ဖြစ်သော သီပေါမင်းသားကို မင်းတုန်းမင်အလွန် သူ့ဩဇာအာဏာလွှမ်းမိုးအောင် တိုင်းတာမင်းကြီးနှင့်ပေါင်းပြီးရှင်ဘုရင်တင်တာကွာ၊ နောက်ပြီး ကင်ဝန်မင်းကြီးဦးကောင်းကလည်း ဥရောပတွေဘာတွေရောက်ခဲ့ပြီဆိုတော့ ပဒေသရာဇ်စနစ်ကို အဆုံးသတ်ချင်နေတဲ့သူ၊ သူ့ရည်ရွယ်ချက်က ရှင်ဘုရင်ကိုသူ့ကြိုးကိုင်ရနိုင်မည်သူတင်မယ်၊ပြီးမှ ပဒေသရာဇ်စနစ်ကနေဖြေးဖြေးချင်း အင်္ဂလန် ပြင်သစ်တို့ပုံစံသွားမယ်ပေါ့။ပဒေသရာဇ်စနစ်နဲ့ဆို သိပ်မကြာမှီ အင်္ဂလိပ်လက်အောက်ရောက်တော့မှာသူသိတယ်၊ တိုင်တာမင်းကြီးနှင့် ရှင်ဖြူမရှင်က သူတို့ဩဇာအာဏာအတွက် သီပေါကို ဘုရင်ဖြစ်စေချင်တာ၊ ကင်းဝန်မင်းကြီးက သူ့ရည်ရွယ်ချက်နှင့်သူ သီပေါကိုဘုရင်ဖြစ်ချင်တဲ့ ပန်းတိုင်တူကြတယ်ကွာ ၊ ရည်ရွယ်ချက်မတူးဖူးပေါ့ ၊အဲ့ဒီမှာ မင်းညီးမင်းသားတွေသတ် သီပေါကဘုရင်ဖြစ်သွားတယ်ပေါ့၊ သီပေါလည်း ဘုရင်ဖြစ်ပါလေရော သူ့မိန်းမကြီး စုဘုရားလတ်က ပါဝါကလည်းရှိလာ လူကလည်းထက်မြက်တော့ သူလုပ်ချင်ရာလုပ်တယ်ကွာ၊ဆင်ဖြူမရှင်ကော တိုင်းတာမင်းကြီး ဦးကောင်းကော ဘာမှပြောမရတော့ဘူး။ စုသဘောဖြစ်သွားတာကို ၊အဲ့ဒီမှာ သူ့ကျွန်အောက်ရောက်တယ်ဆိုပါတော့၊ ငါတွေးမိတာက ဘုရားရဲ့စာပေတွေသင်ထားပြီးနှလုံးသားနုညံ့တဲ့လူတစ်ယောက်၊ မြန်မာ့မင်းဆက်​၏နောက်ဆုံးလူ၊ ပဒေသရာဇ်​နောက်ဆုံးရှင်ဘုရင် ၊
အဲ့ချိန်က မြန်မာပြည်သူတိူ့​၏ အသည်းနှလုံးလို့လဲဆိုချင်ဆိုကွာ၊ သူ့ခမျာ နိုင်ငံရပ်ခြားကို အကျဉ်းသားအနေနဲ့ လိုက်ရမည့်အချိန်မှာ မင်းတို့စဉ်းစားကြည့်၊ မြန်မာပြန်တောင်အနှံ့ရောက်ဖူးတဲ့သူမဟုတ်ဘူး၊သင်္ဘောတက်ခါနီး ဘာစကားမှပြောနိုင်မည်မထင်ပါဘူးကွာ"ဟု အဆုံးသတ်လေ​၏။"အဒါနဲ့ မင်းက စိတ်ထဲတစ်မျိုးကြီးဆိုပါတော့"ဟု သာရှင်ကဝင်ထောက်လေ​၏။
နောက်တွေးမိတာကျန်သေးတယ်ကွ၊
ဆက်ရန်