ဒီလိုကြုံရတာ ငါတို့မျိုးဆက် နောက်ဆုံးဖြစ်ပါစေ။

အနာဂတ်ပျောက်တဲ့အကြောင်းတွေးပြီး
သွေးပျက်ရတာတွေ

လူ့အသက်တွေ တန်ဖိုးမဲ့လာကြောင်းတွးမိပြီး
သွေးရူးသွေးတန်း ထအော်မိတာတွေ

သတင်း‌အသစ်တွေတက်တိုင်း

နေ‌မကောင်းတဲ့နိုင်ငံရဲ့ အမျိုးမျိုးသောကပ်ဘေးတွေတွေ့ပြီး
ကြောက်ကြောက်လန့်လန့် ထငိုမိတာတွေ

ငါတို့သာ နောက်ဆုံးကြုံရပါစေ။

ဒီအဖြစ်တွေဟာ သမိုင်းတစ်ခုဆိုလို့သာ
ငါတို့ယုံရတယ်ကွာ၊
အဲ့ဒီတုန်းက တကယ်ဖြစ်ခဲ့တာလားလို့
ဝေဝေဝါးဝါးမေးယူရတဲ့အထိ

နောင်လာနောက်သားတွေတော့
ဒီဘေးတွေနဲ့ ကင်းပါစေကွာ။

-ခရမ်းရောင်