မျိုးဆက်ကွာဟမှု (ရိန်​ဇော်)

လူကြီးလား၊ လူငယ်လား၊ ငါတို့က ဘယ်သူ​တွေလဲ
သို့မဟုတ် မျိုးဆက်ကွာဟမှု


ကမ္ဘာ​ပေါ်မှာ သက်ရှိ​နေထိုင်​နေဆဲ လူသား​တွေကို မျိုးဆက် ၇ခု ခွဲခြားနိုင်ပါတယ်။


၁၊ ၁၉၀၁ မှ ၁၉၂၇ထိ  the Greatest Generation

၂၊ ၁၉၂၈ မှ ၁၉၄၅ထိ the Silent Generation

၃၊ ၁၉၄၆ မှ ၁၉၆၄ထိ Baby Boomers

၄၊ ၁၉၆၅ မှ ၁၉၈၀ထိ Generation X

၅၊ ၁၉၈၁ မှ ၁၉၉၅ထိ Millenials

၆၊ ၁၉၉၆ မှ ၂၀၁၀ထိ Generation Z

၇၊ ၂၀၁၁ မှ ၂၀၂၅ထိ Generation alpha


​မျိုးဆက်မတူရင် အ​တွေးအ​ခေါ်၊ အယူအဆ၊ အမြင်၊ ယုံကြည်မှု၊ တန်ဖိုးထားရာ​တွေလည်း ကွဲပြား​နေတတ်ပါတယ်။ နံပတ်၁ နဲ့ ၂မျိုးဆက်များဟာ အသက်အရွယ်​ကြောင့် နည်းလာသလို၊ နံပတ်၇ အယ်ဖာမျိုးဆက်ဟာလည်း ခုအချိန် က​လေးငယ်​လေးများအရွယ်သာ ရှိပါဦးမယ်။ ၃၊ ၄၊ ၅၊ ၆ မျိုးဆက်​တွေက​တော့ လူဦး​ရေအားလုံးရဲ့ ၂၀ရာခိုင်နှုန်းစီနဲ့ ခု​ခေတ်ကာလကို စိုးမိုး​နေသူများလို့ ဆိုရပါမယ်။


နံပတ် ၃ Baby Boomers များဟာ ဒုတိယကမ္ဘာစစ်အပြီး ​အများအပြား​မွေးလာတဲ့ က​လေးငယ်​များဖြစ်သလို စစ်​အေး​ခေတ်ကို ဖြတ်သန်းလာရသူများဖြစ်တယ်လို့ ဆိုတယ်။ အိမ်​ထောင်ကွဲနှုန်း မြင့်မားကြတယ်။


နံပတ် ၄ Generation X များက​တော့ မိဘရဲ့ ထိန်းသိမ်း​စောင့်​ရှောက်မှု သိပ်မရခဲ့တဲ့ မျိုးဆက်၊ ဂီတမျိုးခွဲများစွာနဲ့ အတူ ရှင်သန်ခဲ့တဲ့မျိုးဆက်လို့ ဆိုကြပြန်တယ်။ အလုပ်နဲ့ ဘဝမျှတ​​လို့ ​ပျော်ရတဲ့ မျိုးဆက်လို့လဲ သတ်မှတ်ကြပြန်တယ်။


နံပတ် ၅ Millenials က​တော့ သူတို့ အရွယ်​ရောက်ချိန်မှာ ​သက္ကရာဇ် ၂၀၀၀ ပြည့်နဲ့ တိုက်ဆိုင်တာမို့ ​ Millenials လို့ ခေါ်ကြပါတယ်။ Generation Y လို့လည်း လူသိများတယ်။ ထူးခြားချက်က​တော့ နည်းပညာဖွံ့ဖြိုးတိုးတက်လာတာကို မျက်မြင်ကိုယ်​တွေ့ကြုံခဲ့တဲ့လူ​တွေဖြစ်သလို နည်းပညာကိုလည်း အသုံးချနိုင်ကြပါတယ်။


နံပတ်၆ ဂျန်ဇီ​တွေက​တော့ ​မွေးစကတည်းက နည်းပညာနဲ့ ရင်နှီးခဲ့ကျသလို ကျွမ်းကျင်ကြပါတယ်။ ပူး​ပေါင်းလုပ်​ဆောင်မှုစွမ်းရည် မြင့်မားသလို၊ မိမိစွမ်း​ဆောင်ရည်အ​ပေါ် ယုံကြည်ကြတယ်။ ​ပုံမှန်သီအိုရီ​ဘောင်အတွင်းမှ စဉ်းစားမှုများထက် လက်​တွေ့ကျကျ စဉ်းစားလုပ်​ဆောင်ကြ​လေ့ရှိတယ်။


မျိုးဆက်ကွာဟမှုများနဲ့အတူပါလာတတ်တာက တစ်​ယောက်နဲ့ တစ်​ယောက် အပြစ်မြင်ခြင်းပဲ ဖြစ်ပါတယ်။
လူကြီး​နဲ့ လူငယ်ကြားမှာ ပဋိပက္ခများ ရှိတတ်ကြပါတယ်။ လူကြီး​တွေက လူငယ်​တွေကို သူတို့ပြောစကား နာခံမည့် သက်ရှိ​လေး​တွေလို့ မြင်တတ်ကြပါတယ်။ မ​ကောင်းတာ မဖြစ်​စေချင်လို့ တားတဲ့ သ​ဘောမျိုး ရှိတတ်ကြပါတယ်။ ဒါ​ပေမဲ့ လူငယ်ဆိုတာက ဒီအဘိုးအဘွား အ​ဖေအ​မေက ​ပေါက်ဖွားလာတာ မှန်​ပေမယ့် မတူတဲ့ သီးခြားယူနစ် တစ်ခု ဖြစ်ပါတယ်။ ဗီဇအားဖြင့် ဆင်တူနိုင်​သော်လည်း ပတ်ဝန်းကျင်အရ ​ပြောင်းလဲမှုများစွာကို လက်ခံရမှာပဲ ဖြစ်ပါတယ်။


၁၊ ဇီဝကမ္မဖြစ်စဉ်မတူညီမှုနဲ့

၂၊ ​ခေတ် သို့မဟုတ် မျိုးဆက်ကွာဟမှု​ဆိုတဲ့ ပတ်ဝန်းကျင်​ကြောင့် လူငယ်​တွေဟာ လူကြီး​တွေနဲ့ ပုံစံတူ မဖြစ်နိုင်ပါဘူး။


ဆယ်​ကျော်သက်အရွယ်မှာ ကိုယ်ခန္ဓာဖွံ့ဖြိုးလာမှုနှင့်အတူ စိတ်​ပြောင်းလဲလာမှုကိုလည်း လူကြီး​တွေက လူငယ်​တွေအ​ပေါ် နားလည်​ပေးဖို့ လိုပါတယ်။ သူငယ်ချင်း​တွေနဲ့အတူ လည်ချင်ပတ်ချင်တာ၊ ​​ယောက်ျား​လေးဆိုရင် ဆေးလိပ်ကို လက်တည့်စမ်း​သောက်ကြည့်ချင်တာ၊ ကလန်ကဆန်လုပ်တာ၊ မိဘရဲ့ စည်းကမ်း​တွေကို ချိုး​ဖောက်ချင်တာ၊ ရည်းစားထားကြည့်ချင်တာ စတာ​တွေဟာ ပုံမှန်ဖြစ်​နေကျ အ​ကြောင်းအရာ​တွေပဲ ဖြစ်ပါတယ်။ ဒါဟာ လူပျို​ပေါက်၊ အပျို​ပေါက်ဖြစ်ချိန် ​ဟော်မုန်း​ပြောင်းလဲမှု​ကြောင့် ဖြစ်တတ်တဲ့ အ​ကြောင်းချင်းရာ​တွေပါလားလို့ မိဘလုပ်တဲ့ သူ​တွေက နားလည်​ပေးဖို့ လိုပါတယ်။ သူတို့ စကားကို မနာခံလို့ မိဘလုပ်သူ​တွေက က​လေးကို ရိုက်နှက်ဆုံးမ အပြစ်​ပေးတဲ့အခါ ​ကောင်းတဲ့ဘက်ဆီ ဦးတည်​ပြောင်းလဲသွားရင်​တော့ ​ကောင်းပါရဲ့။ ထိုသို့ မဟုတ်ဘဲ ဆယ်​ကျော်သက်တို့ရဲ့ သ​ဘောအရ အရွဲ့တိုက်ချင်စိတ်​ကြောင့် လမ်းမှားပို​ရောက်သွားရင် မလွယ်ပါ။ လူကြီးမိဘများအ​နေဖြင့် သားသမီးများကို မဆိုမဆုံးမရ​တော့ဘူးလားလို့ ဆိုလိုချင်တာ မဟုတ်ပါဘူး။ သူတို့ရဲ့ သဘာဝဖြစ်စဉ်ကိုလည်း နာလည်ပေးရင်း ​နွေး​ထွေးတဲ့ ​ဆွေး​နွေးအ​ဖြေရှာခြင်းကသာ ထိ​ရောက်မှာပါ။


မျိုးဆက်မတူရင် အ​တွေးအ​ခေါ်၊ အယူအဆ၊ အမြင်၊ ယုံကြည်မှု၊ တန်ဖိုးထားရာ​တွေလည်း ကွဲပြား​နေတတ်ပါတယ်။ စမတ်ဖုန်း​ခေတ်မှာ ကြီးလာတဲ့ မျိုးဆက်ကို ​ရေဒီယို​ခေတ်က မျိုးဆက်က ဆိုဆုံးမတဲ့အခါ ​ပြောဆိုရခက်ခဲတတ်ပါတယ်။ လူငယ်​လေး​တွေဆိုတိုင်းလည်း အရာရာမှာ အားနည်း​နေတာ မဟုတ်ပါဘူး။ နည်းပညာပိုင်းဆိုင်ရာ အားသာချက်​တွေ ရှိ​နေပါတယ်။ မျိုးဆက်ကွာဟမှုများနဲ့အတူပါလာတတ်တာက တစ်​ယောက်နဲ့ တစ်​ယောက် အပြစ်မြင်ခြင်းပဲ ဖြစ်ပါတယ်။ ကိုယ်က မျိုးဆက်တစ်ခုအတွင်း ​ရောက်​နေ​ပေမဲ့ ကိုယ့် Generation ရဲ့ သွင်ပြင်လက္ခဏာ​တွေ အားလုံးရှိချင်မှ ရှိနိုင်မှာပါ။ လူတိုင်းဟာ မတူညီတဲ့ သီးခြားယူနစ်​တွေမို့ ကိုယ်ကိုယ်တိုင်သာ အဆိုင်ဆုံး ဖြစ်ပါတယ်။ ဒါ​ပေမဲ့ ​အောင်မြင်​မှုတစ်ခုရဖို့ မျိုးဆက်တစ်ခုနဲ့ တစ်ခု အပြန်အလှန် ​လေးစားဖို့လိုသလို၊ အားနည်းတဲ့ အပိုင်းကို အားသာတဲ့သူဆီက သင်ယူရင်း ပူ​ပေါင်းလုပ်​ဆောင်နိုင်ပါတယ်။ ဒီလို မျိုးဆက်ကွာဟမှုကို သိရှိခြင်းအားဖြင့် ယခုလက်ရှိကိုယ့်​ရှင်သန်​နေထိုင်မှုနဲ့ အခြားသူများရဲ့ မတူကွဲပြားမှုများကိုလည်း နားလည်​ပေးနိုင်မယ်လို့ ထင်မိပါတယ်။။

ရိန်​ဇော်
(Blue mark author အ​ဖြစ် ​လျှောက်ထား​နေဆဲဖြစ်တဲ့အတွက် အဆင်​ပြေရင် follow ​ပေး​စေလိုပါတယ်။ ​ကျေးဇူးပါ။)