သိမ်ငယ်သော အချစ်

အပိုင်း၅
မောင်အောင် နိုင်ငံခြားကပြန်ရောက်တော့ ရန်ကုန်သည်အနည်းငယ်ပြောင်းလဲခဲ့​၏၊ ၃၉ဗိုက်ပူကားတွေ သိပ်မတွေ့ရတော့ ၊ မြို့ထဲမှာ အထပ်မြင့်တိုတ်တို့သည်လည်း အစီအရီပိုပေါလာ​၏။ နိုင်ငံခြားကပြန်လာပေမဲ့ ရုပ်ရှင်ထဲကမအေးအေးဝင်းစီစဉ်သလို့မဟုတ်တော့၊ ရန်ကုန်မှာတိုတ်ခန်းတစ်ခုတောင်မဝယ်နိူင်၊ ဆောင်းသည်လည်း အစိုးရအင်ဂျင်နီယာဖြစ်ပြီး
ရာထူးတိုးဖြေဖို့ကိစ္စနှင့်
သိပ်မအား၊ရန်ကုန်မှာရောက်နေသော သူ့ညီမလေးကိုစောင့်ရှောက်ရန် မောင်အောင်အား တဖွဖွမှာထားလေတယ်။သူ့ညီမက ၁၀တန်းအောင်ခါစ ၁၈နှစ်လောက် ၊ နာမည်ကဖြူဖြူသန့် မျက်နှာက ဆောင်းလို့တော့ သိပ်မဝိုင်းဘူး ရှည်ရှည်သွယ်သွယ် ၊အသားကတော့ ဖြူတယ်၊
သူနာပြုတက္ကသိုလ် (လမ်းမတော်)မှာတက်နေ​၏။ စနေ တနင်္ဂနွေလို့ရက်တွေမှာ မောင်အောင်ကို သူသွားချင်သောနေရာတချို့ လိုက်ပို့ခိုင်းတတ်​၏။ တခါတလေရုပ်ရှင်လိုက်ပြခိုင်းတတ်​၏၊ အဲ့လိုဟာမျိုးကြ မောင်အောင်ဟာ ဆောင်းဆီ အရင်သတင်းပို့ပြီးမှ လိုက်ပြရ​၏၊
တပါတ်သောပိတ်ရက် စနေ စံပြရုပ်ရှင်ရုံမှာ ဒွေးနှင့် အိ န္ဒြာကျော်ဇင်တို့ရိုက်ထားသော "အချစ်သည်လေပြေ" ဇာတ်ကားရုံတင်တော့ ၊
ဖြူဖြူက မောင်အောင်တည်းနေသော ဘုန်းကြီးကျောင်းကို အလည်လာရင်း ရုပ်ရှင်ရုံကနီးတော့ရုပ်ရှင်လိုက်ပြခိုင်း​၏ "ကိုအောင် ရုပ်ရှင်လိုက်ပြပါ ဒွေးကား အတော်ကောင်းတယ်ပြောတယ် " ၊ ရုတ်တရက် ဆိုတော့မောင်အောင်ဘာပြန်ပြောရမှန်းမသိ၊ ခ ဏနေစဉ်းစားပြီးမှ အေးလေ "ညနေ ၃:၃၀ချိန်သွားတာပေါ့ သူငယ်ချင်တွေခေါ်ဦးလေ တစ်
ယောက်ထဲပျင်းနေမယ်"
ဖြူဖြူက "တယောက်မှအားကြဘူး တိုင်းရင်းသားကျေးရွားသွားကြတယ် တစ်ယောက်ထဲပျင်းလို့ ဒီဘက်ထွက်လာတာ အာဆိုညနေလာခဲ့မယ်နော်" ဟုပြောပြီး ၁၄လမ်းထဲကအဆောင်သို့ပြန်သွား​၏။
နေ့ခင်း၃နာရီလောက် စံပြရုပ်ရှင်ရုံအောက် မောင်အောင်အရောက်သွားပြီး လက်မှတ်ကြိုဝယ်ထား​၏၊ ဖြူဖြူလည်းသိပ်မကြာခင် ရောက်လာ​၏ ၊ပါတိတ်အနီရောင်ဝမ်းဆက်
အဲ့ခေတ်က ခေတ်စားနေသော စိုမြနန္ဒာဆံပင်
ပုံစံနဲ့ လှနေ​၏။
မောင်အောင်သည် လှသွေးကြွယ်နေသော အပျိုဖြန်းလေးကိုမြင်ရတော့ ၊ငယ်ငယ်ကဆောင်း​၏ရုပ်ပုံလွှာ မျက်စိထဲမြင်ရောင်နေမိ​၏။ ခုံနေရာက အလယ်လောက်မှာရ​၏၊
ဆက်ရန်