Language တစ်ခုကို ဘယ်လိုပုံစံနဲ့လေ့လာသင့်လဲ

ဒီခေတ်ကြီးထဲမှာ လူငယ်တိုင်း လိုလိုက နိုင်ငံခြားဘာသာစကားတွေကို လေ့လာနေကြတယ်ဆိုတာ အဆန်းကြီးတော့ မဟုတ်ပါဘူး။ လူတိုင်းလိုလို လေ့လာနေကြပြီးတော့ အခက်အခဲတွေလည်း ရှိနိုင်သလို လွယ်လွယ်ကူကူ ဖြတ်ကျော်သွားနိုင်တာလည်းရှိမှာပါ။ ဒီမှာက language တစ်ခုကိုဘယ်လျိုလ့လာသင့်သလဲဆိုတာကို Winnie လေ့လာနေတဲ့ပုံစံလေးကို ပြောပြပေးသွားမှာပါ။

အရင်ဆုံး ပြောချင်တာက စိတ်ရှည်ဖို့ပါပဲ။ ဘယ်အရာမှ လွယ်လွယ်နဲ့တော့မရပါဘူး။ ကိုယ်လုံးဝမသိသေးတဲ့ ဘာသာရပ်တစ်ခုကို အခြေခံကနေစပြီးလေ့လာဖို့‌ဆိုတာ စိတ်ရှည်ဖို့က အဓိကပဲလေ နော်။

Let's go..... Winnie က language တစ်ခုကို လေ့လာတဲ့အခါမှာ (၃) ပိုင်းခွဲလိုက်ပါတယ်။
✓Vocabulary & Reading
✓Grammar & Writing
✓Listening & Speaking
Winnie တို့ ဘာသာစကားတစ်ခု စလေ့လာပြီဆိုရင် အခြေခံကို စပြီးလေ့လာကြရတယ်လေ။ ဟုတ်တယ်မလား။ အခြေခံကို ကိုယ်က သေချာ ပိုင်နိုင်သွားပြီဆိုရင် အပေါ်က (၆) ခုကို ဖြည်းဖြည်းချင်း ဖြည့်သွားလို့ရပါပြီ။

✓ပထမဆုံး Winnie တို့က ဘာသာစကားတစ်ခုကို နှံ့နှံ့စပ်စပ်သိဖို့ဆိုရင် Vocabulary ကြွယ်ဖို့လိုပါတယ်။ Vocabulary ရဖို့ ဘာလုပ်လဲဆိုရင် Reading များများဖတ်ဖို့ လိုပါတယ်။ ဒီမှာ တစ်ခုပြောချင်တာက Winnie က ကျက်ရတာ အားမသန်တဲ့သူဖြစ်လို့လားတော့ မသိဘူး ကျက်တာကို အားမပေးချင်ပါဘူး။ လုံးဝကြီး မကျက်နဲ့လို့ပြောတာတော့မဟုတ်ဘူး လုံးစေ့ပတ်စေ့ မကျက်နေဖို့ပါ။ ဘာလို့ဆို ကျက်လည်းပဲ နောက် မေ့တာပါပဲ။ တကယ်အသုံးလိုလာတဲ့အခါ ကျက်ထားတဲ့ထဲက 10% လောက်တောင် မှတ်မိချင်မှ မှတ်မိတာပါ။ Chinese, Japanese တို့လိုဘာသာရပ်တွေမှာကတော့ ချရေးပြီးမှ မှတ်ရတဲ့အတွက် အဲ့တာကိုတော့ များများရေးကျင့်ပါပေါ့။ ဆိုတော့ အဓိက ပြောချင်တာက Vocabulary ကြွယ်ဖို့ဆိုရင် Reading ကို များများဖတ်ပါ။ Reading တွေ ဖတ်တဲ့အခါ မသိတဲ့စာလုံးရှိရင် ရှာတယ်၊ မှတ်တယ်။ တစ်ခါထဲမှတ်မိလားဆို ဟုတ်ပါတယ် မမှတ်မိပါဘူး။ ဒါပေမဲ့ Reading တွေ ဖတ်ပါများလာတဲ့အခါ အသုံးများတဲ့ စကားလုံးတွေက အလိုလိုကို ခဏခဏပါလာတတ်ပါတယ်။ အဲ့တာတွေက တကယ်စိတ်ထဲ စွဲစေပါတယ်။

✓ဒုတိယ တစ်ချက်က Grammar ပါ။ Grammar တွေကို ဘယ်လိုလေ့လာရမလဲ မသိဘူး။ Grammar တွေမှာ ဆင်တူရိုးမှားတွေရော၊ ခက်တာတွေရော လွယ်တာတွေရော ရှုပ်နေတာပဲ ....... လို့ မတွေးလိုက်ပါနဲ့။ ရှင်းရှင်းလေးပါ။ YouTube ကိုအသုံးချပါ။ Grammar pattern တစ်ခုကို လေ့လာတာနဲ့ အဲ့ဒီ pattern အကြောင်းကို နှံ့စပ်နေအောင် တစ်ခုထဲကို ဂရုတစိုက်နဲ့လေ့လာပါ။ Note ထုတ်ဖို့ လုံးဝမမေ့ပါနဲ့။ ပြီးတဲ့အခါ part 1 မှာ ပြောခဲ့သလိုမျိုး test လေးတွေ ဖြေကြည့်ပါ။ test ဖြေပြီးတဲ့အခါ အဲ့ဒီ pattern ကိုသုံးပြီး စာကြောင်းလေးတွေ ရေးကြည့်ပါ။ စဉ်းစားလိုက် ချရေးလိုက် လုပ်ကြည့်စေချင်တယ်။ စဉ်းစားမရရင် Google မှာ နမူနာ စာကြောင်းလေးတွေ သွားလေ့လာလို့ရတယ်။ ဒီလို ရေးကြည့်လိုက်တဲ့အခါမှာ သူက ဘာကို အထောက်အကူသွားပြုသလဲဆိုရင် Writing ကို သွားပြီး ထောက်ပါတယ်။ Winnie လက်တွေ့ပါ။ Grammar ကိုလေ့လာကြတဲ့အခါ တချို့ grammar တွေဆိုရင် ဆင်တူရိုးမှားလေးတွေ လာတတ်တယ် အဲ့တာတွေကိုလည်း တွဲတွဲပြီး note ထုတ်ထားပါ။ ဒီမှာ Reading တွေ များများဖတ်ပေးတာကလည်း Vocabulary အပြင်ကို Grammar တွေကိုလည်း မှတ်မိဖို့ အထောက်အကူပြုပါတယ်။ ဒီအထိမှာတင် Vocabulary, Grammar, Reading, Writing ပါနေပါပြီ။ ပြောခဲ့တဲ့ (၆) ခုမှာ (၂) ခုပဲ ကျန်ပါတော့တယ်။

✓Listening နဲ့ Speaking က အားသာတဲ့သူကလည်း အားသာသလို အားနည်းတဲ့သူဆိုရင် လုံးဝမရပါဘူး။ ဒီနေရာမှာ အကြံပြုချင်တာက listening အတွက်ကို podcast တွေ များများနားထောင်ပေးပါ။ နားထောင်နေရင်းနဲ့ အနောက်ကနေလိုက်ပြောကြည့်။ နောက်ပြီးတော့ သီချင်းနားထောင်လို့ရပါတယ်၊ နားထောင် လိုက်ဆို၊ ထပ်ခါထပ်ခါ လေ့ကျင့်။ နောက်ထပ်တစ်ခုက ရုပ်ရှင်ကြည့်ပါ။ ကိုယ်က ဘယ်ဘာသာစကားကို လေ့လာလဲ အဲ့ဒီနိုင်ငံရဲ့ ရုပ်ရှင်ကိုကြည့်ပါ။ ကြည့်ရင်း လိုက်ပြော။ ဒါက level နည်းနည်းလောက်မြင့်သွားတဲ့အခါ ပိုပြီး အဆင်ပြေစေပါတယ်။ အဲ့လို လိုက်နားထောင် လိုက်ပြောတာက တကယ်ကို skill တက်စေပါတယ်နော်။ Winnie ကိုယ်တိုင်လည်း အဲ့လိုမျိုးတွေ အမြဲလုပ်ဖြစ်ပါတယ်။ အချိန်အများကြီး မပေးနိုင်ရင်တောင် တစ်ရက်ကို နာရီဝက်လောက်ကတော့ podcast နားထောင်ဖို့ အချိန်ပေးဖြစ်တယ်။

နောက်ဆုံးအနေနဲ့ ပြောချင်တာက language တစ်ခုကို လေ့လာတဲ့အခါ ရေးတတ်ဖို့ ဖတ်တတ်ဖို့ ပြောတတ်ဖို့ဆိုပြီးပဲ စိတ်ထဲမထားဘဲ အဲ့ဒီနိုင်ငံရဲ့ ယဉ်ကျေးမှု၊ ဓလေ့၊ စကားပုံ၊ အဲ့ဒီနိုင်ငံနဲ့ ဆက်စပ်တဲ့ အရာတွေကိုပါ လေ့လာကြည့်စေချင်ပါတယ်။ အဓိကကတော့ စိတ်ရှည်ရှည်ထားပြီး လေ့လာပါလို့ပဲ ပြောချင်ပါတယ်။ အားလုံးပဲ ကြိုးစားသမျှအရာထင်ပြီး ရောက်ချင်တဲ့ ပန်းတိုင်ကို အမြန်ဆုံး ရောက်နိုင်ကြပါစေ?

With love ?
- Winnie -