မြန်မာစာ သင်ကြတဲ့ လူလည်များ

"မျက်နှာဖြူတွေတော်တော်များများက ဗမာစာတတ်ကြတယ် ဘာသာပြန်ရင် အတိအကျပြန်ပေးလိုက်"


ဒီစာကြောင်းကို ကျွန်မသူငယ်ချင်းရဲ့ အဘေး ရေးသားထားခဲ့သော မှတ်တမ်းထဲမှာ ဖတ်ရတာပါ။


အဘေးက အင်္ဂလိပ်ခေတ်က စကားပြန်ပါ။


မြန်မာအခေါ် "အလိုတော်ရိ"ပေါ့။


အသက်တစ်ရာအထိနေသွားပြီး စကားပြန်လုပ်ခဲ့တုန်းက အကြောင်းကို မှတ်တမ်းရေးသွားပါတယ်။


အဘေးရဲ့ မိသားစုက မှတ်တမ်းကို သေချာ ထိန်းသိမ်းထားခဲ့ပေမယ့်လဲ


အခက်အခဲတချို့ကြောင့် မှတ်တမ်းက ပြည့်ပြည့်စုံစုံတော့ မရှိတော့ပါဘူး။


အပြင်လူတွေကို မှတ်တမ်းပေးဖတ်လေ့ မရှိပေမယ့် သူငယ်ချင်းဆီ ကျွန်မက အတင်းပူဆာတာကြောင့် တစ်ခါပေးဖတ်ဖူးပါတယ်။


ကျွန်မမှတ်မိသလောက် ပြန်ပြောပြရမယ်ဆိုရင်


အဘေး စကားပြန်လုပ်ခဲ့တာ နယ်မြို့ကြီးတစ်မြို့မှာပါ။


သူစကားပြန် စလုပ်တော့ သူ့အရင်ရောက်နေတဲ့ စီနီယာက စကားကို တိတိကျကျပြန်ပေးဖို့နဲ့ အင်္ဂလိပ်တော်တော်များများက ဗမာလို တတ်ကြောင်း သတိပေးခဲ့ပါတယ်တဲ့။



မြန်မာပြည်ကို ရောက်လာတဲ့ မျက်နှာဖြူအရာရှိတော်တော်များများက မြန်မာစကားသင်ရသလို


အခြားသော ကိုလိုနီနယ်မြေတွေဆီသွားရမယ့် မျက်နှာဖြူအရာရှိတွေကလဲ သက်ဆိုင်ရာ ဘာသာစကားတွေကို သင်ရပါတယ်။


ဒါဆို ဘာလို့ စကားပြန်လိုတာလဲ။


ရူးချင်ယောင် ၊ မတတ်ချင်ယောင်ဆောင်ပြီး သူတို့အကြောင်း ဘယ်လိုပြောကြလဲ နားထောင်ချင်လို့ပါ။


ပြောသမျှအကုန် နားလည်ချင်မှ နားလည်ပေမယ့် အကြမ်းဖျင်းလောက်ကတော့ အကုန်သိကြပါတယ်တဲ့။


ကိုလိုနီခံနိုင်ငံတွေရဲ့ စကားကိုတတ်ထားမှ ကောင်းကောင်းအုပ်ချုပ်လို့ရမယ်ဆိုတာ အင်္ဂလိပ်တွေက နားလည်ကြပါတယ်။


အခုလဲ ထိုင်းတွေ မြန်မာစကားသင်နေကြပြန်ပြီ။


Facebook ပေါ်မှာတော့ မြန်မာတွေ ထိုင်းကို သိမ်းလိုက်ကြပြီ ဆိုကာ ပျော်မြူးနေကြလေရဲ့။


တချို့ကလဲ ငါတို့ ထိုင်းစာ အများကြီး သင်စရာမလိုတော့ဘူး လို့ ဆိုကြတယ်။


ထိုင်းတွေ မြန်မာစာ သင်ရတဲ့ အကြောင်းရင်းက


မြန်မာ အလုပ်သမားတွေ သူတို့နိုင်ငံမှာ အရမ်းများလာတော့ မြန်မာတွေ ပေါင်းပြီး သူတို့ကို လူလည် လုပ်ကြမှာ စိုးရိမ်ကြလို့ သင်ကြဟန် တူပါတယ်။


မြန်မာလိုတတ်ထားတော့ မြန်‌မာတွေ သူတို့အကြောင်း အတင်းပြောတာက အစနားလည်သွားကြမှာပါ။


ထိုင်းလို ကောင်းကောင်းမတတ်ဘဲ ထိုင်းရောက်သွားရင် ထိုင်းတွေ လှည့်သမျှခံကြရမှာပါ။


ဒါကြောင့် ထိုင်းပဲသွားသွား ဘယ်ကိုပဲသွားသွား နိုင်ငံရပ်ခြားကို သွားဖို့ အစီအစဉ်ရှိတယ်ဆိုရင်


ကိုယ်သွားမယ့်နိုင်ငံရဲ့ ဘာသာစကားနဲ့ ဉပဒေရေးရာတွေကို အကုန်မဟုတ်ရင်တောင်


ကိုယ့်အခွင့်အရေး ကိုယ်ကာကွယ်နိုင်လောက်တဲ့အထိ တတ်ကျွမ်းအောင် လုပ်ကြပါလို့ အကြံပြုချင်ပါတယ်။


မြန်မာတွေအားလုံး အဆင်ပြေကြပါစေ။


Nicolette မှ ရေးသားပါတယ် ?


⛔ပြန်ကူးတင်ခွင့်မပြုပါ⛔


ဖတ်သင့်တဲ့ English စာအုပ်ကောင်းလေးတွေ၊ learning tips တွေ နဲ့ ဘာသာပြန်ဝတ္ထုတွေကို ရေးသားသွားဦးမှာဖြစ်လို့ အကောင့်လေးကို follow လုပ်သွားကြပါဦးနော် ?