တအားပူတဲ့အခြေအနေမှာ စာဘယ်လိုလေ့လာမလဲ❓

အခုလို အပူချိန် ၄၀ °C နီးပါးရောက်နေတဲ့အခြေအနေမျိုးမှာ ကျောင်းသားတွေ နီးပါးကြုံတွေ့နေရတဲ့အရာက စာသင်ရတာ လုံးဝစိတ်မပါတော့တာပါ။

ကျွန်တော်ကိုယ်တိုင်လည်း နေ့လယ်အချိန်တွေမှာ စာသင်ရတာ စိတ်မဝင်စားပါဘူး။ မီးကပျက်၊ နေကအရှိန်ကောင်း၊ ချွေးတွေကရွှဲ၊ ခေါင်းကထူပူ တကယ်ပါ။ လုံးဝကို အာရုံစိုက်လို့မရတော့တာ...။

ဒါပေမယ့် ဒီအတိုင်းဆက်သွားရင် စာမရဘဲ လူ့ညံ့ဖြစ်မယ့်ကိန်းပဲရှိတော့တာမလို့ ဖြေရှင်းဖို့နည်းလမ်းရှာရပါတယ်။ ဒီနေ့ဆောင်းပါးလေးဟာ ကျွန်တော့်လို စာလေ့လာတဲ့ကျောင်းသားတွေအတွက် လုံးဝအသုံးဝင်စေမှာပါခင်ဗျာ။

၁။ စာသင်ချိန်ကို ​ပြောင်းပါ

နံနက်စောစော ဒါမှမဟုတ် ညနေ၊ ည အချိန်တွေလို အပူနည်းတဲ့အချိန်တွေမှာ စာသင်ပါ။ ကျွန်တော်တို့ဆိုလည်း နေ့လယ်နေ့ခင်းအချိန်တွေအကုန် မနက်နဲ့ ညဘက်ပြောင်းထားပါတယ်။

ခုလိုတအားပူတဲ့အချိန် နေ့လယ်ကိုတော့ စာလုံးဝမသင်သင့်ပါဘူး။ သင်လည်း ကျောင်းသားတွေစိတ်ဝင်စားတော့မှာမဟုတ်ပါဘူး။

၂။ အေးတဲ့ နေရာလေးရွေးရန်

တချို့ကျောင်းတွေဆို အခြေအနေအရပ်ရပ်ကြောင့် အချိန်မပြောင်းပေးနိုင်တာမျိုးရှိပါတယ်။ ဒါဆိုရင် စာသင်ချိန် မီးလာတဲ့အခါ Air-conditioner ၊ ပန်ကာဖွင့်ပါ။ ရွာတွေ၊ နယ်တွေကဆို လေတိုးတဲ့နေရာလေးတွေမှာ စာသင်ပါ။

3. အအေးသောက်ပါ

စာသင်ခံနီးရောက်ရင် အချိုရည်လေးတွေ၊ အအေးဘူးလေးတွေဆောင်ထားပါ။ စိတ်ကိုပြန်လည်အားဖြည့်ပေးသလို စာသင်ရမှာလည်း အေးအေးလူလူ စိတ်ဝင်တစားသင်နိုင်ပါလိမ့်မယ်။

၄။ အနားယူချိန်များထည့်ရန်

အခုအချိန်မှာ Self- Study သမားတွေ နေ့လယ်ခင်းတော့ စာမလေ့လာသင့်ပေမယ့် လေ့လာမယ်ဆိုရင်လည်း တစ်ဆက်တည်းမလေ့လာဘဲ အနားယူချိန်နဲ့လေ့လာသင့်ပါတယ်။

နာရီဝက်ပြီးတိုင်း အကြောဆန့်ရေသောက်တာဖြစ်ဖြစ်၊ လေတိုးတဲ့နေရာမှာ ခဏနားနေတာဖြစ်ဖြစ်လုပ်ပေးပါ။

၅။ ကိုယ့်ဘာသာပြန်လေ့လာပါ

အခုလိုအချိန်မှာ ကျောင်းသားတွေသာမကပါဘူး။ သင်တဲ့ ဆရာတွေပါ စိတ်မပါတာပါ။ ( ကျွန်တော့်ဆရာ ပွင့်ပွင့်လင်းလင်းပြောပြတာကြောင့် ကျွန်တော်သိတာပါ။ )

ဒီလိုအချိန်မှာ စာသင်လို့ စိတ်မပါလည်း ဒီတိုင်းပဲအောင့်ခါသင်လိုက်ပါ။ နေလေးအေး၊ ခေါင်းလေးရှင်းတဲ့အခါတော့ ကိုယ်စိတ်မဝင်စားခဲ့တဲ့ သင်ခဲ့ပြီးသားစာကို ဆရာ/မကိုပြန်မေးတာဖြစ်စေ၊ Online Video တွေနဲ့ပြန်လေ့လာဖြစ်စေ Self~Study ပြန်လုပ်ပါ။ ဒါဆို စာမရမှာ မပူရတော့ပါဘူး။

၆။ သီချင်းနားထောင်/ ဆိုပါ

စာစိတ်မဝင်စားတဲ့အခါ စိတ်ကို အပန်းဖြေပေးဖို့လိုပါတယ်။ ဟာသလေးတွေကြည့်တာ၊ သီချင်းနားထောင်တာလေးတွေ လုပ်ပါ။ ရေချိုလို့ရရင် ရေချိုးပါ။ လေကောင်းလေသန့်ရှူပါ။

ရာသီဥတုတအားပူလို့ စာကိုစိတ်မဝင်စားတော့တဲ့အခြေအနေကို အချိန်ပေးပြီးဖြေရှင်းရင်တော့ စာလေ့လာကလည်း အရင်ကလို ပြန်ကောင်းမွန်လာပါလိမ့်မယ်ခင်ဗျာ။

ဆင်ခြင်မပေးပါနဲ့။ နည်းလမ်းရှာပါ။

နွေဦးအက္ခရာ ( May 17, 2024 . 3:05 PM )