မေ

မေ
တကယ့်တော့
အချစ်ဆိုတာ
ပေးဆပ်ခြင်းလို့ပဲဆိုဆို
ရယူလိုခြင်းလို့ပဲသတ်မှတ် သတ်မှတ်
အချစ်ဆိုတာ
သူပျော်နေရင် ကိုယ်ကျေနပ်နေရတဲ့
ခံစားမှုအငွေ့အသက်လေးတွေပါ မေ

တခါတေလ
မေ စိတ်ချမ်းသာဖို့
မောင် စိတ်ညစ်တာတွေ
ဖွင့်မပြောဖြစ်ခဲ့တာတွေရှိတယ်

တခါတေလ
မေ ကြည်နူးစေဖို့
မောင့်ရဲ့ ပျော်ရွှင်မှုတွေကို
မျှဝေပေးခဲ့တာတွေရှိတယ်

တခါတေလ
မေ အားငယ်နေရင်
ဘာပဲဖြစ်ဖြစ်
မေအနားမှာ ထာဝရရှိနေမယ်ဆိုတဲ့
ကတိတခုနဲ့ အဖော်ပြု ပေးခဲ့တာတွေရှိတယ်

နံနက်ခင်းတိုင်း
မော်နင်းချစ်သူ လို့နှုတ်ဆက်တာတွေရှိတယ်

နေ့လည်ရောက်တိုင်း
ဘာစားလဲလို့ ဂရုတစိုက်မေးခဲ့တာတွေရှိတယ်

ညရောက်တော့လည်း
ဘုရားရှိခိုးပြီးမှ အိပ်နော်လို့ သတိပေးခဲ့တာတွေရှိတယ်

ဖုန်းချခါနီးတိုင်းလည်း
အရမ်းချစ်တယ် အာဘွားလို့
တယောက်နဲ့တယောက် နှုတ်ဆက်တာတွေရှိတယ်

တကယ်တော့
အချစ်ဆိုတာ ပေးဆပ်ခြင်းလို့ပဲဆိုဆို
ရယူလိုခြင်းလို့ပဲသတ်မှတ် သတ်မှတ်
သူပျော်နေရင် ကိုယ်ကျေနပ်နေရတဲ့
ခံစားမှုအငွေ့အသက်လေးတွေပါ မေ


လွမ်းဝေးအိမ်