ပိုးဖလံတို့၏ ကံကြမ္မာ (လင်းဝိုင်-ဘာသာပြန်)

မြန်မာစာအုပ်တွေထဲမှာ Science Fiction ဆိုတာမျိုးတွေ အ‌တော်ကိုရှားပါတယ်။ ဒါမှမဟုတ် နုနုကပဲ လက်လှမ်းမမှီတာလည်း ဖြစ်နိုင်ပါတယ်။ ဒီအပြင် ဒီစာအုပ်က နုနုပထမဆုံးဖတ်ဖူးတဲ့ မြန်မာဘာသာပြန် sci-fi ပါပဲ။
‎
‎စာအုပ်ထဲမှာတော့ ပိုးဖလံ (Story of Your Life by Ted Chiang)နဲ့ အရိပ်တွေရဲ့ အလယ် (All you Zombies by Robert A. Heinlein) ဆိုတဲ့ ဝတ္ထုတိုနှစ်ပုဒ်ပါဝင်ပါတယ်။ နှစ်ပုဒ်စလုံးက Hollywood မှာပေါက်ခဲ့တဲ့ Predestination နဲ့ Arrival ဆိုတဲ့ ရုပ်ရှင်ကားကြီးတွေပါ။
‎
‎ပိုးဖလံကိုတော့ မဖတ်ခင်မှာ အနည်းဆုံးတော့ Snell's Law နဲ့ Fermat Principle of Least time လောက်တော့ အကြမ်းဖျဉ်း သိထားသင့်တယ်လို့ထင်ပါတယ်။ သိပ္ပံနဲ့ စိတ်ပညာကို ချိတ်ဆက်ဖော်ပြထားပြီး လူသားမိခင်တယောက်ရဲ့ နာကျင်မှု၊ ဆုံးရှုံးမှုတွေအပြင် ပျော်ရွှင်မှု၊ ဝမ်းနည်းမှု စတဲ့ ခံစားချက်တွေနဲ့ ဂြိုလ်သား(သတ္တဖူး) တွေနဲ့ ပြောဆိုဆက်ဆံရတာတွေက ဘာသာပြန်ဆိုတာထက်ကိုပိုပြီး အမြင်သစ်တွေကိုဖွင့်ပေးရင်း လူတို့ရဲ့ အဇ္ဇျတ္တတွေကို ဖော်ပြထားတယ်လို့ ခံစားရပါတယ်။ ဒီအပြင် Ted Chiang ရဲ့ ဘာသာရပ်ဆန်ဆန်ရေးသားပုံ‌တွေကြောင့် လေ့လာသူတွေ၊ စိတ်ဝင်စားသူတွေအတွက် စဉ်းစားစရာနဲ့ လေ့လာစရာတွေ အများကြီးပါဝင်ပါတယ်။
‎
‎အရိပ်တွေရဲ့ အလယ်ကတော့ သေချာမဖတ်ဘဲ သာမန်ကာလျှံကာဖတ်မယ်ဆိုရင် အတော့ကို ခေါင်းခြောက်စေမယ့် ဝတ္ထုတိုလေးပါပဲ။ ဇာတ်ကောင်ဟာ လိင်နှစ်မျိုးပါတဲ့ ဒွိလိင်ရှိသူတယောက်ဖြစ်ပြီး Time traveller အဖြစ်နဲ့ မိန်းကလေးဘဝက မိမိကို ယောက်ျားလေးဘဝက မိမိကိုယ်တိုင်ကပဲ ချစ်မြတ်နိုးခဲ့ပါတယ်။ Robert A. Heinlein ဟာ အချိန်ခရီးသွားခြင်းရဲ့ ရှုပ်ထွေးပွေလီမှုတွေ၊ ကံကြမ္မာနဲ့ လွတ်လပ်စွာဆုံးဖြတ်ခွင်တွေရဲ့ကြားက ဆက်နွယ်မှုတွေ၊ တွန်းကန်မှုတွေကို ဖော်ပြထားပါတယ်။
‎
‎ဒီစာအုပ်ကတော့ မြန်မာဘာသာပြန်စာပေလောကအတွက် အဖိုးတန်တဲ့ Sci-fi ဝတ္ထုတို ဖြည့်စည်းမှုတခုပဲလို့ နုနုတော့မြင်ပါတယ်။ သိပ္ပံစိတ်ကူးယဉ် ဝတ္ထုတွေကို စိတ်ဝင်စားသူတွေအတွက်ရော၊ အတွေးအမြင်သစ်တွေ ရချင်တဲ့ စာဖတ်သူတွေအတွက်ပါ မဖြစ်မနေ ဖတ်သင့်တဲ့ စာအုပ်တစ်အုပ်ပါပဲ။ ဒီလို စာအုပ်မျိုးတွေ မြန်မာစာပေမှာ ပိုပြီး ထွက်ပေါ်လာဖို့လည်း မျှော်လင့်မိပါတယ်။
‎
‎#Review_by_NuNu