Toe Paing Lin
-လိုလည်းမလိုပိုလည်းမပို အဲ့တာ တာအိုပဲ။
-တာအိုဆိုတာ ချီးမွမ်းစရာလည်းမလို သလို
ရှုံ့ချစရာလည်းမလိုဘူး။
-သဘာဝတရားကြီးက တာအိုပဲ။
ဒီစာအုပ်က လူတိုင်းဖတ်ရခက်တဲ့
ကျမ်းကြီးကျမ်းငယ်တော့ မဟုတ်ဘူး။
ကျမ်းတစ်စောင်ပါပဲ လူတိုင်းဖတ်နိုင်ပြီး လိုက်နာဖို့
ခက်ခဲနိုင်တဲ့ကျမ်းတစ်စောင်။
ဒီစာအုပ်ကိုဘယ်လိုလူတွေဖတ်သင့်လဲ
လို့ပြောပါဆို လူတိုင်းဖတ်သင့်တယ်။
အိမ်တိုင်းဆောင်ထားသင့်တယ်။ရွှေဥဒေါင်းရဲ့
တသက်တာမှတ်တမ်းကို ဧည့်ခန်းမှာထားသလို
တာအိုကျမ်းကလည်း အိပ်ယာ၊ရုံးခန်း၊အလွယ်တကူ
ယူဖတ်လို့ရတဲ့နေရာတိုင်းမှာထားသင့်တယ်။
လေးဇော်ရဲ့အရင်စာအုပ်တွေရှိဖူးသူများကလည်း
ဒီစာအုပ်ကိုပါ မဖြစ်မနေ ဝယ်ဖို့အကြံပေးပါရစေ။
အရင်ထွက်ခဲ့တဲ့ လူမကြိုက်တာခံရဲတဲ့သတ္တိ၊
ပျော်ရွှင်ဖို့...၊ရှင်းလင်းစွာစဥ်းစားခြင်း အနုပညာ၊
အိုရှိုးစာအုပ် ဒါတွေက ရတနာသေတ္တာဆို
တာအိုတိချင်းက အဲ့သေတ္တာကြီးကို ဖွင့်မဲ့
သော့တစ်ချောင်းပါ။
ဒီစာအုပ်ကို ဘယ်လိုလူတွေဖတ်သင့်သလဲဆိုရင်
အထူးသဖြင့် Leadershipကို လေ့လာနေကြတဲ့
လူတွေ၊ပေါင်းသင်းဆက်ဆံရေးကောင်းမွန်ချင်
သူတွေ၊စီးပွားရေးမဟာဗျူဟာလေ့လာနေသူတွေ၊
စစ်မက်ရေးရာ လေ့လာလိုက်စားသူတွေမဖြစ်မနေ
ဖတ်ကြည့်ပါ။
စာအုပ်ထဲကနေလည်း ကျနော်ကြိုက်တဲ့စာပိုဒ်အချို့ကို
ဖော်ပြပေးလိုက်ပါတယ်။
⚪️⚫️အသုံးချပါ...မပိုင်ဆိုင်ချင်ပါနဲ့
လုပ်ဆောင်ပါ...နာမည်ကောင်းမယူပါနဲ့
ပြီးမြောက်တဲ့အခါ လက်လွှတ်လိုက်ပါ
လက်လွှတ်လိုက်မှသာ အဲဒီအရာက မင်းနဲ့ရှိနေမှာ
⚪️⚫️ပြည့်အောင် ထည့်ရင်
လျှံကျလိမ့်မယ်
ထက်လွန်းအောင် သွေးရင်
တုံးသွားလိမ့်မယ်
⚪️⚫️လူတွေကို မယုံကြည်ရင်
လူတွေရဲ့ ယုံကြည်မှုကိုလည်းမရနိုင်
⚪️⚫️လူအများ သေဆုံးတာဟာ
ကြီးမားတဲ့ ဝမ်းနည်းပူဆွေးစရာသာ ဖြစ်တယ်
စစ်အောင်ပွဲ အခမ်းအနားဆိုတာ
သေဆုံးသွားတဲ့သူတွေကို ဂုဏ်ပြုတဲ့ အခမ်းအနားသာ ဖြစ်သင့်တယ်။
⚪️⚫️လူတွေ မျှော်လင့်ထားတာတွေ လုပ်ပြီး တိုင်းပြည်ကိုအုပ်ချုပ်ပါ
မမျှော်လင့်ထားတာတွေ လုပ်ပြီး စစ်ပွဲကို အနိုင်ယူပါ
ဘာမှ မလုပ်ခြင်းအားဖြင့် လောကကို ထိန်းချုပ်ပါ
ပတ္တမြားမှန်ရင် နွံမနစ်ဘူးဆိုပေမဲ့ စာအုပ်ကောင်းအချို့ကတော့ လူမသိသူမသိ တိမ်မြုပ်ပျောက်ကွယ်သွားကြတာများပါပြီ၊ဒါ့ကြောင့် ရေးပါတယ်။
#တပလ
Keep Reading