အက္ခရာ - Haruki
ကျွန်တော်တို့ မြန်မာတွေတစ်ဦးနဲ့တစ်ဦး တွေ့ဆုံကြတဲ့အခါ ပထမဦးဆုံးပြောလေ့ရှိတဲ့ ချစ်စရာစကားတစ်ခွန်းရှိပါတယ်။
ဒါကတော့ နူးညံ့သိမ်မွေ့လှတဲ့ " မင်္ဂလာပါ" ဆိုတဲ့စကားလေးပါပဲ။
"မင်္ဂလာပါ" ဆိုတဲ့စကားဟာ ပါဠိဘာသာ စကားတစ်ခုပဲဖြစ်ပြီး သူ့ရဲ့အနက်အဓိပ္ပာယ်ကတော့ " ကျက်သရေအပေါင်းနှင့် ပြည့်ကြပါစေ.....ကိုယ်စိတ်နှစ်ဖြာ လန်းဆန်းကာ ကျန်းမာချမ်းသာကြ ပါစေ..." လို့ ဆိုလိုပါတယ်။
မြန်မာတွေ နေ့စဉ်အသုံးပြုကြတဲ့ နှုတ်ဆက်စကားလေးဖြစ်ပြီး နိုင်ငံအဝှမ်း က မြန်မာတွေသာမက တစ်ခြားနိုင်ငံသားတွေက လည်း စိတ်ဝင်တစား လက်ခံသုံးစွဲနေကြတာတွေရပါတယ်ခင်ဗျာ။
ဒါကြောင့် မြန်မာလူမျိုးမှန်ရင် ဒီစကားကိုဖန်တီးခဲ့တဲ့သူကို သိကိုသိထားသင့်ပါတယ်။ဒီနေ့မှာ ကျွန်တော်မျှဝေပေးပါမယ်ခင်ဗျာ။
တကယ်တော့ ယနေ့ထိ ကျွန်တော်တို့မြန်မာတွေ တွင်ကျယ်စွာ အသုံးပြုခဲ့တဲ့ "မင်္ဂလာပါ" ဆိုတဲ့ စကားစုကို ဖဆပလ အစိုးရခေတ်က ပြန်ကြားရေးဝန်ကြီး အဖြစ် တာဝန်ထမ်းဆောင်ခဲ့ဖူးတဲ့ စာရေးဆရာ သတင်းစာဆရာကြီးတစ်ဦးဖြစ်တဲ့ ဦးထွန်းဖေပဲ ဖြစ်ပါတယ်ခင်ဗျာ။
"ထွန်း"နေ့စဉ် သတင်းစာကို တည်ထောင် တည်းဖြတ် ထုတ် ဝေခဲ့သူဖြစ်လို့ ထွန်းနေ့စဉ် (ဦးထွန်းဖေ) အဖြစ် ထင်ရှားခဲ့သူ လည်း ဖြစ်ပါတယ်။
ဆရာကြီး ဦးထွန်းဖေဟာ ဝေဖန်စရာရှိလျှင် မည်သူ့ကိုမဆိုရဲ့ဝံ့ပွင့်လင်းစွာ ဝေဖန်ပြောဆိုသူတတ်သူအဖြစ် လို့ ဝန်ကြီးအဖွဲ့ အစည်းတစ်ခုမှာ ဝန်ကြီးချုပ်ဦးနုကိုတောင် ဘဝရှင် မင်းတရားကြီးလို့ ပက်ပက်စက်စက် ပုတ်ခတ်ဝေဖန်ခဲ့ ဖူးတဲ့သူပဲ ဖြစ်ပါတယ်။
ဆရာကြီး ဦးထွန်းဖေ တီထွင်လိုက်တဲ့ "မင်္ဂလာပါ" ဆိုတဲ့ စကားစုဟာ ထိုအချိန်က အသုံးပြုသူနည်းခဲ့ ပေမယ့် ယနေ့ခေတ်ကျမှ နိုင်ငံကိုယ်စားပြု နှုတ်ဆက်စကား အနေနဲ့ တွင်တွင်ကျယ်ကျယ် အသုံးပြုလာကြတာ ဖြစ်ပါတယ်ခင်ဗျာ။
စာဖတ်သူလေးတို့အနေနဲ့ သိသွားပြီဆိုတော့ဒီစကားကိုသုံးနေတဲ့ စာဖတ်သူလေးတို့ရဲ့ သူငယ်ချင်း၊မိတ်ဆွေလေးတို့လဲ သိရအောင် မျှဝေပေးလိုက်ပါဦးနော်။
Haruki
Keep Reading