စာသင်ခန်းတွေကို ဇောက်ထိုးလှန်လိုက်ပါ ----------------------------------------

နိုင်ငံတကာမှာ စာသင်ခန်းတွေကို ဇောက်ထိုးလှန်လိုက်ဖို့ လုပ်နေကြတာ ကြာပါပြီ။ သူတို့ကတော့ Flipped Classroom ဆိုပြီး လုပ်နေကြတာ။ ပညာရေးကို ကယ်တယ်ချင်ရင် အစဉ်အလာကို ပြောင်းပြန် ဇောက်တိုး ဖြစ်အောင် လုပ်ဖို့ကလွဲပြီး အခြားနည်းမရှိဘူးလို့လည်း ပညာရှင်တွေက သုံးသပ်နေကြပါတယ်။

စာသင်ခန်းတွေကို ဇောက်ထိုးလှန်လိုက်ဖို့ဆိုတာ ပြောင်းလဲမှုတစ်ခုခုလုပ်ဖို့ ပြောတာပါ။ ဆရာတွေကို အစားထိုးဖို့ ပြောတာတော့ မဟုတ်ပါဘူး။ ပြောင်းလဲမှုတွေ လုပ်မှ ရတော့မယ်ဆိုတာကို မပြောင်းနိုင်ဘူး၊ မပြောင်းချင်ဘူးလို့ ပြောနေတဲ့ ဆရာတွေအတွက်တော့ တစ်မျိုးစဉ်းစားရမှာပေါ့။

ခေတ်သစ်စာသင်ခန်းတွေကို ဇောက်ထိုးဖြစ်အောင်လုပ်နိုင်တဲ့နည်းက ၇ နည်းပဲရှိပါတယ်

(၁) မုန်တိုင်းဆင်ကြည့်ပါ

ဦးနှောက်ကို မုန်တိုင်းဆင်နည်းလို့ခေါ်တဲ့ ကျောင်းသားတွေကို (Brainstorming) ဖြစ်အောင် လုပ်နိုင်ဖို့ ဆရာတွေမှာ အရည်အချင်းနဲ့ အားထုတ်မှုတွေ လိုလာပြီ။ ဖတ်စာအုပ်ကအတိုင်း စာတွေ ဖတ်ပြနေရတဲ့ခေတ် မဟုတ်တော့ဘူးလို့ ပြောချင်တာ။ ဆရာတွေအနေနဲ့ တစ်ပတ်မှာ တစ်ရက်လောက်ပဲ ဖြစ်ဖြစ် ကလေးတွေကို Brainstorming ဖြစ်အောင် လုပ်ကြည့်ဖို့ပါ။ ဘာသာရပ်တိုင်းကို လုပ်ဖို့ပြောတာ မဟုတ်ပါဘူး။ လုပ်လို့ရတာ လေးက စကြည့်ဖို့ပြောတာ။

(၂) ဖန်တီးခိုင်းကြည့်ပါ

အိမ်စာတွေပေးရင် ဖတ်စာအုပ်ထဲက စာတွေကို ပြန်ကူးခိုင်းတာမျိုးတွေ လုပ်မနေပါနဲ့ တော့။ ခေါင်းစဉ်တစ်ခုပေးပြီး ဘယ်လို စဉ်စားလာတယ်ဆိုတာကို သိအောင် လုပ်ဖို့လိုလာပြီ။ အိမ်စာပေးလိုက်ရင် ကူးချလာတာတွေ၊ ခိုးချလာတာတွေ ဖြစ်တတ်တာပဲ။ ဒါကြောင့် ခေါင်းစဉ်ကို စဉ်းစား ခိုင်းလာပြီး ကိုယ်တိုင် ထပြောကာ တစ်တန်းလုံးကြားနိုင်အောင် လုပ်ပေးလိုက်ရမယ်။ အကြောင်းအရာ အချက်အလက်တွေဟာ လူစုံရင် ရေးစရာ မကုန်လောက်အောင် ဖြစ်လာလိမ့်မယ်။ ချက်ချင်းချရေးခိုင်း လိုက်ကြည့်လေ။ အချိန်တော့ပေးရမယ်။ အဲဒီလို အချိန်ပေးလိုက်တာဟာ တစ်နှစ်လုံး စာကူးရေးခိုင်းနေတာ ထက်တော့ အများကြီးထိရောက်တယ်ဆိုတာ လက်တွေ့လုပ်ကြည့်ရင် သိလိမ့်မယ်။

(၃) တည်ဆောက်ခိုင်းကြည့်ပါ

သူတို့ကို အိမ်စာလို့ ပြောမယ့်အစား ပရောဂျက်လို့ ပြောင်းပြောကြည့်လိုက်ပါ။ ပရောဂျက်ဆိုတာ စူးစမ်းလေ့လာရမယ်၊ အချက်အလက်တွေ စုဆောင်းရမယ်၊ ပေါင်းစပ်တပ်ရမယ်၊ တင်ပြ တတ်ရမယ်ဆိုတဲ့ သဘောတရားတွေမှာ အခြေခံတယ်ဆိုတာကိုလည်း နားလည်အောင် လုပ်ပေးထားရမယ်။ တစ်နည်းပြောရရင် သူတို့က