ဘဲမေမေကြီးနဲ့ ဥလေးများ

တစ်နေ့သောအခါ နေသာသာ
ဘဲမေမေကြီး ပျော်နေတာ။

ရင်ခုန်လွန်းလို့ တပြုံးပြုံး
သူဥထားတာ ဥသုံးလုံး။
🐥🐥🐥

ဒါပေမဲ့လည်း ဗိုက်ဆာတယ်
အစာ သွားရှာရတော့မယ်။

သွားပေမဲ့လည်း သူ့စိတ်က
ဥလေးတွေကို စိတ်မချ။

ခပ်သုပ်သုပ်လေး ပြန်လာကြည့်
ဘဲဥလေးတွေ မရှိ။

ဘဲမေမေကြီး သောကပွေ
ဥတွေပျောက်လို့ အော်ငိုနေ။

ခပ်လှမ်းလှမ်းက သစ်တောက်ငှက်
ငိုသံကြားလို့ ခဏရပ်။
🐥🐥🐥

ဘဲမေမေအတွက် ကိုယ်ချင်းစာ
သူမြင်သမျှကို ပြောပြရှာ။

တွန့်လိမ် တွန်လိမ် ကိုမြွေဆိုး
တိတ်တိတ်ကလေး ဥတွေ ခိုး။

မြွေတွင်းနေရာ သူသိလို့
အတူ သွားချောင်းကြည့်ကြစို့။

မကြာခင်မှာ မြွေကြီးဟာ
ဥတွေထားပြီး ထွက်သွားတာ။

ဘဲမေမေနဲ့ သစ်တောက်ငှက်
ဥလေးတွေကို အမြန်ဝှက်။
🐥🐥🐥

သေချာကြည့်တော့ ဥတွေဟာ
သုံးဥထက်တောင် ပိုနေတာ။

ဘယ်ဥတွေလဲ သူမသိ
တွေးရခက်တဲ့ ပဟေဠိ။

ပထမဆုံး ဥလေးဟာ
အကောင်ကလေး ပေါက်လို့လာ။

သေချာကြည့်တော့ ဘဲမဟုတ်
ပုံစံလေးက ကြက်ကလေးရုပ်။

ကူညီပေးတဲ့ သစ်တောက်ငှက်
ကြက်မေမေဆီ ပြန်ကာအပ်။
🐥🐥🐥

ဒုတိယဥ ပေါက်လာပြန်
လိပ်လေး ပက်လက်လန်။

ကမ်းစပ်ဘက်ကို သူထွက်ပြေး
သနားစရာ လိပ်ကလေး။

တခြားဥတွေ ထပ်ကာကွဲ
ဘဲလေး နှစ်ကောင်တွဲ။ 

နောက်ဆုံးနှစ်ဥ ကျန်နေတာ
ဘယ်တစ်ဥက ဘဲလေးဟာ။

နှစ်ဥစလုံး ပြိုင်တူကွဲ
မိချောင်းပေါက်နဲ့ ဘဲလေးပဲ။ 

ဘဲမေမေကြီးနဲ့ ဘဲငယ်များ
မြွေကြီးအဝေးကို မြန်မြန်သွား
နောက်ဆို ခုထက် သတိထား။

(ရွှေငါးရဲ့ ကဗျာထဲက ပုံပြင်များ)