Hein Htet Ko Ko
ရှင်းလင်းချက်
(၁) စကားရိုင်းအပြစ်
အနက်ကြမ်းသောစကား၊ရွံရှာဖွယ်စကား၊အနက်ညစ်ညမ်းသောစကားများကို ထည့်သွင်းသုံးနှုန်းထားခြင်း။
(၂) စကားပိုအပြစ်
စာရေးသားရာတွင် ဆိုလိုအနက်ပြည့်စုံမှုအတွက် မလိုအပ်သောစကား၊ ပါသော်လည်း အကျိုးမထူးသောစကားများကို ထည့်သွင်းရေးသားခြင်း။
(၃) စကားလိုအပြစ်
စာရေးသားရာတွင် ပါဝင်သည့်စကားလုံးများ၊အသုံးအနှုန်းများ ပြည့်စုံစွာပါဝင်အောင် ထည့်သွင်းရေးဖွဲ့ခြင်းမရှိခြင်း။
(၄)သဒ္ဒါအသုံးများအပြစ်
သဒ္ဒါသုံးစကားလုံးများ မှားယွင်းစွာအသုံးပြုခြင်း။
'မှ' နှင့် 'က' ၊ 'ကို' နှင့် 'အား' စသည်တို့ကိုမှားယွင်းစွာသုံးခြင်း။
'စသည်' 'စသော'တို့ကို အလိုအပ်ဘဲထည့်သုံးခြင်း။
'လည်းကောင်း' ၊ 'သော်လည်းကောင်း ၊ 'ဖြစ်စေ' စသည်တို့ကို တစ်ကြိမ်တည်းအသုံးပြုခြင်းများ။
(၅) ပုဒ်ထားမှားအပြစ်
ဝါကျတွင်ပါဝင်သောပုဒ်များကို ဆိုင်ရာပုဒ်ချင်း နီးကပ်စွာ မှန်မှန်ကန်ကန်မထားသည့်အတွက် အနက်အဓိပ္ပါယ် ပြောင်းသွားနိုင်ခြင်း။
(၆) ပုဒ်ထားရှုပ်အပြစ်
ပုဒ်ထားမှားသည့်အဆင့် မရောက်သော်လည်း ပုဒ်ဖွဲ့ရာတွင် လိုအပ်ချက်ရှိနေသဖြင့် အဓိပ္ပါယ်လွဲမှားစွာကောက်ယူနိုင်သော ပုဒ်ထားသိုခြင်းမျိုး။
(၇) ရှေးဆိုနှောင်းဖျက်အပြစ်
ဝါကျတစ်ခုအတွင်းတွင် ရှေ့၌ဖော်ပြပြီးသော အကြောင်းစကား၏အနက်ကို နောက်၌ဖော်ပြသောအကြောင်းစကား၏အနက်က ပျက်စေခြင်းမျိုး။
(၈) ဟပ်စဥ်ပျက်အပြစ်
ဝါကျတစ်ခုအတွင်းတွင် ရှေ့၌ဖော်ပြထားသော အကြောင်းစကားအစီအစဥ်နှင့် ဟပ်၍ယူရန်ဖြစ်သည့် နောက်၌ဖော်ပြထားသော အကျိုးစကားအစီအစဥ်တို့ အစီအစဥ်မညီမညွတ်ဖြစ်ခြင်း။
(၉) အကြာင်းအကျိုး ပြောင်းပြန်အပြစ်
အကြောင်းဖြစ်စေသောအရာကို အကျိုး၌ ၊ အကျိုးဖြစ်စေသောအရာကို အကြောင်း၌ ပြောင်းပြန်ရေးဖွဲ့ထားခြင်း။
(၁၀) အသိခက်အပြစ်
စာရေးသားရာတွင် စာဖတ်သူတို့ အဓိပ္ပာယ်အသိခက်သောစကားလုံးများ၊ အသုံးအနှုန်းများ ထည့်သွင်းရေးဖွဲ့ထားသည့်အတွက် အဓိပ္ပါယ်မပေါ်လွင်ဘဲ ဝေဝါးနေခြင်း။
#Heinhtet
#Sarphat
Keep Reading