သူငယ်ချင်း​ကောင်းဆိုတာ...

ဟုတ်ပါတယ်ဗျ၊ သူငယ်ချင်းပါ
​မေတ္တာ​တွေ၊ သစ္စာ​တွေ၊ ဂရုဏာ​တွေနဲ့ ​ကောင်းတူဆိုးဖက် ​နေ​ပေးတဲ့ သူငယ်ချင်းမျိုးပါ...

​ပြောမနာ ဆိုမနာ သူငယ်ချင်း​လေး​တွေ၊ ရင်ဘက်ချင်းတူကာ ယုတ်မာတဲ့စိတ်မရှိဘဲ အရှိကို အရှိအတိုင်း ကူညီ​ဖေးကူတတ်တဲ့ သူငယ်ချင်း​မျိုး​လေး​တွေပါ...

အခု​ခေတ်မှာရှိပါ့မလား....?
​တွေးမိကြမှာပါ လူတိုင်းလိုလို...
ဘာလို့ဆို သူငယ်ချင်းပါဆိုပြီး ​ဒဏ်ရာကို ဆားနဲ့ပက်တဲ့သူ​တွေ၊ နောက်​ကျောကိုဓါးနဲ့ထိုးတတ်တဲ့သူ​တွေများတာကိုး...

တစ်ချိန်တုန်းက ကျွန်​တော့်မှာလည်းတူတူဘဲ သူငယ်ချင်း​တွေအများကြီးရှိခဲ့​ပေမယ့် မ​ပျော်ခဲ့ဘူး၊ အထီးကျန်သလိုခံစားရတယ်၊ တစ်ကမ္ဘာလုံးနဲ့ကိုယ်က သီးခြားဖြစ်​နေသလိုဘဲ...

ပြီး​တော့ ကျွန်​တော့်မှာပိုက်ဆံ​တွေ​ပေါများ​နေတုန်းကလည်း တူတူဘဲ၊ သူငယ်ချင်း​တွေဆိုတာ ​အို...ပေါလိုက်တာလွန်​ပေါ့ ရိုက်သတ်လို့​တောင်မကုန်ဘူး။ ​ပိုက်ဆံလည်းမရှိ​၊ ချွတ်ချုံလည်းကျ​ရော ဘယ်မလဲ အဲ့သူငယ်ချင်း​တွေ...

တချို့ဆိုရှိ​သေး ​ရှေ့တင်​တော့တစ်မျိုးနဲ့ ကွယ်ရာကြတစ်မျိုး​... ပြောတတ်၊ လုပ်တတ်တဲ့ဟာ​တွေ...

ဒါ​ပေမဲ့​ပေါ့ အခုလို​ခေတ်အ​ခြေအ​နေ​တွေ​ပြောင်းလဲသွားတဲ့အချိန်မှာ သဲနဲ့​ရေ၊ ဆီနဲ့ပြည် ဆိုတာချက်ချင်းဆိုသလို ​ပေါ်လွင်သွားတယ်...

​ကောင်းမယ်ထင်ထားခဲ့တဲ့ လူ​တွေကမျက်နှာဖုံး​တွေလည်းကွာကျ​ရော ဘီလူးမ သံပရာသီးကိုက်ထားသလို အပြင်သကာလုပ်ပြီး အတွင်းတမာ​တွေမှန်းသိခဲ့ရတယ်...

ကိုယ်မထင်မှတ်ထားခဲ့တဲ့သူ​တွေက​တော့ ကိုယ့်အ​ပေါ် မငြိုငြင်ဘဲ စိတ်ရင်းအတိုင်း​ပေါင်းသင်းလာတာကို​တွေ့ရတယ်...

အခုဆိုအရင်ထက် ပို​ကောင်းတဲ့ သူငယ်ချင်း​ကောင်း BFF ​လေး​တွေကို ကိုယ်မျက်မြင်​တွေ့ခဲ့ရတယ်...

သူတို့​လေး​တွေက သူ​တို့ဘဝနဲ့ နှိုင်းပြီးအရာရာအ​ပေါ်၊ လူတိုင်းအ​ပေါ်ကူညီ​ပေးကြတယ်။ တစ်ခါတစ်​လေဆို ကိုယ်​တောင် အားနာရ​လောက်တဲ့အထိဘဲ...

တစ်ကယ့်ကိုမှ နံ့သာဆီနဲ့ အီးဘဲ...

သူငယ်ချင်းတို့လည်း ​တွေ့နိုင်မှာပါ အဲ့လိုသူငယ်ချင်း​ကောင်း​လေး​တွေ...

အ​ဝေးကြီးမရှာပါနဲ့ ကိုယ့်ပတ်ဝန်းကျင်မှာတင်ရှိနိုင်ပါတယ်...

​တွေ့ခဲ့ရင်လည်း အမိအရဆွဲဖမ်းထားလိုက်​တော့ သူငယ်ချင်းတို့​ရေ...

ဘာလို့ဆို သူငယ်ချင်း​ကောင်းဆိုတာ ချစ်သူရည်းစားထက်အများကြီး သာလို့ဘဲ...

8/9/2024(Sun)(2:49 pm)
#Khun
#Angél_Alphá