"အာဇာနည်နေ့ တို့မမေ့" (၇၇ ကြိမ်မြောက်)

"အာဇာနည်နေ့" ဟု ဆိုလိုက်လျှင် မြန်မာတစ်နိုင်ငံသားလုံး မမေ့နိုင်သော အမှတ်တရတခုသည် ရင်ထဲစွဲကျန်နေသော‌ေန့ တနေ့ဖြစ်‌ေနပါလိမ့်မည်။အာဇာနည်နေ့သည် နှစ်စဉ် ဇူလှိုင်လ ၁၉ရက်နေ့ ရောက်တိုင်း အခမ်းအနားကို မြန်မာနိုင်ငံ တစ်နိုင်ငံလုံး အနှံ့ ကျင်းပကြသည့် မြန်မာတို့၏ နေ့ထူးနေ့မြတ်တစ်ရက်ဖြစ်ပါသည်။မြန်မာတို့၏ မမေ့နိုင်သော နေ့တနေ့ဟုလည်း ဆိုလို့ရပါသည်။မြန်မာနိုင်ငံ ရန်ကုန်မြို့ ၊ ၁၉၄၇ခုနှစ် ဇူလှိုင်လ ၁၉ရက်နေ့တွင် ကျဆုံးခဲ့သော မြန်မာနိုင်ငံ၏ ဖခင်ဟု တင်စားခေါ်ဝေါ်ကြသော "ဗိုလ်ချုပ်အောင်ဆန်း" အပါအဝင် နိုင်ငံရေးတွင် အလွန် အရေးပါသော ခေါင်းဆောင်ကြီး ၈ ဦး နှင့် ကိုယ်ရံတော်တစ်ဦး လုပ်ကြံခြင်းခံခဲ့ရပြီး ကျဆုံးသွားကြသည်။ထိုနေ့ကို အမြဲသတိရလျက် "အာဇာနည်နေ့" ဟု သတ်မှတ်ကာ နှစ်စဉ်ကျင်းပခြင်းဖြစ်ပါသည်။

အာဇာနည်ကိုးဦးမှာ ဒီဒုတ်ဦးဘချို၊သခင်မြ၊ဦးရာဇတ်၊ဦးဘဝင်း၊မန်းဘခိုင်၊စဝ်စံထွန်း၊ဦးအံုးမောင်၊ဗိုလ်ချုပ်အောင်ဆန်းနှင့်ရဲဘော်ကိုထွေးတို့ ဖြစ်ကြပါသည်။အာဇာနည်ခေါင်းဆောင်ကြီးများ ကျဆုံးချိန်မှာ ၁၉၄၇ခုနှစ်၊ဇူလှိုင်လ၁၉ရက် နံနက်( ၁၀နာရီ ..၃၇မိနစ် )ချိန်ဖြစ်သည်။
နိုင်ငံတော်အကျိုးအတွက် လူမျိုးအကျိုးကိုအံ့မခမ်းသယ်ပိုးခဲ့သူ ဗိုလ်ချုပ်အောင်ဆန်း၏ ရဲစွမ်းသတ္တိကိုယ‌နေ့ခေတ်ကာလ လူငယ်များကလည်း အထူးတလည်သတိပြုအားကျအတုယူဖွယ်ခံစားမိကြစေ

အာဇာနည်(၉)ဦး၏ အမည်နှင့် ထိမှန်ခဲ့သော ကျည်အရေအတွက်မှာ….

၁။ ဗိုလ်ချုပ်အောင်ဆန်း (၁၉၁၅ – ၁၉၄၇) ၁၃ ချက်
၂။ သခင်မြ (၁၈၉၇ – ၁၉၄၇) ၂ ချက်
၃။ ဒီးဒုတ်ဦးဘချို (၁၈၉၃ – ၁၉၄၇) ၅ ချက်
၄။ ဦးရာဇတ် (၁၈၉၈ – ၁၉၄၇) ၆ ချက်
၅။ ဦးဘ၀င်း (၁၉၀၀ – ၁၉၄၇) ၈ ချက်
၆။ စဝ်စံထွန်း (၁၉၀၇ – ၁၉၄၇) ၂ ချက်
၇။ မန်းဘခိုင် (၁၉၀၃ – ၁၉၄၇) ၁၅ ချက်
၈။ ဦးအုန်းမောင် (၁၉၀၃ – ၁၉၄၇) ၅ ချက်
၉။ ရဲဘော်ကိုထွေး (၁၉၂၉ – ၁၉၄၇) ၄ ချက်

ထို့ကြောင့် ကျွန်တော်တို့ မြန်မာလူမျိုးတို့သည် မည့်သည့်အကြောင်း၊မည်သည့်အချိန်မ‌ျိုးမဆို အာဇာနည်နေ့ကို မမေ့မလျော့ အမြဲသတိရလျက် ဆက်လက်ထိန်းသွားရမည်ဖြစ်ပါသည်။ပြည်ပသို့ရောက်နေ့ကျသော မြန်မာပြည်သူများနှင့်ပြည်တွင်းတွင်ရှိသော မြန်မာလူမျိုးတို့သည် မည့်သည့်အချိန်မျိုးမဆို အမြဲစည်းလုံးလျက် အရာအားလုံးကိုအတူတကွကျော်လွှား၍ အရင်က အေးချမ်းသော၊လွှတ်လပ်သောမြန်မာနိုင်ငံသို့ ရောက်ရှိအောင် လက်တွဲကြပါဆို့ဟု တိုက်တွင်းလျက် ဒီဆောင်းပါးလေးကို နိဂုန်းချုပ်အပ်ပါသည်။


စာရေးသူကလောင်အမည်
နှင်းရိပ်
19.7.2024