အမှိုက်များ

အချိန်​​တွေက လူကို တိုက်စားသွားပါရဲ့။

ဒဏ်ရာ​​တွေဟာ အချိန်လှိုင်းလုံး​​​အောက်မှာ နစ်မြုပ်ခဲ့ရ။

နှစ်ဆယ့်တစ်ရာစုရဲ့ ရိုက်ချက်တစ်ခုက
သက်​​သေ​တွေ ​ဖျောက်ဖို့ ခက်တာပဲ။

ပိုခက်တာက ဦး​​နှောက်ထဲက
အပြီးတိုင် မရှင်းပစ်နိုင်ခြင်းပဲ။

အမှိုက်​တွေ၊ နွယ်ကြိုး​တွေ၊ စခရင်​ရှော့​တွေ တစ်​ထွေးကြီးကို သိမ်းထားပြီး
လမ်းဆက်​လျှောက်မလို့တဲ့။

အ​ကြောင်းတိုက်ဆိုင်ရင် လွမ်းဖို့နဲ့
အခါအခွင့်သင့်ရင် ဒဏ်ရာ​တွေ ပြန်တူး​ဖော်ဖို့။

အမှတ်တရ ဒဏ်ရာတစ်ခုကို
ခံစားမှုမဲ့တဲ့ စိတ်တစ်ခုနဲ့
အပြင်လူတစ်​ယောက်အ​နေနဲ့
ရှုမြင် သုံးသပ်နိုင်တဲ့ အထိ
အချိန်ရယ် ....
ငါ့ကို တိုက်စားသွားပါ။

8.6.24 (Sat)