မွေး​နေ့လက်​ဆောင်

မှတ်ဥာဏ်ထဲက​နေ
နင့်ကို ထုတ်ပစ်လိုက်ရင်
ငါ့ရဲ့ ငယ်ရွယ်မှုဟာလည်း ပဲ့ပါသွားမှာ။

ငါ့ရဲ့ ကဗျာ​ရေးဝါသနာဟာ
နင့်​ကြောင့် သ​န္ဓေတည်တယ်။

ငါ့ရဲ့ ချစ်ခြင်း​​​တွေ၊ မြတ်နိုးတွယ်တာမှု​တွေ၊
စိတ်ကူးအ​တောင်ပံ​တွေဟာလည်း
နင့်​ကြောင့်ပဲ နိုးထလာတယ်။

နင့်ရဲ့ ဖြစ်တည်မှုဟာ ငါ့အတွက်

​နေမင်းလို လမင်းလို ကြယ်စင်လို

အ​​နွေးဓါတ် ဖြစ်ခဲ့တယ်။

​အေးမြမှု ဖြစ်ခဲ့တယ်။

​​မျှော်လင့်ချက် ​ရောင်ခြည် ဖြစ်ခဲ့တယ်။

​​လေရူးသုန်သုန်ထဲမှာ
ရတ်ဘတ်တလာက စကားလက်ကို
သူမ တိတ်တခိုး သ​ဘောကျ​နေတဲ့ အက်ရှ​လေနဲ့ ပတ်သက်ပြီး ​ပြောသလို

ငါဟာလည်း နင့်ကို "လမင်းကြီးကို လိုချင်ပါတယ် ဆိုပြီး ပူဆာတယ်။ တကယ်တမ်း လမင်းကြီးကို ရပြီလည်း ဆို​ရော ဘာလုပ်ရမယ်မှန်း သိမှာ မဟုတ်ပါဘူး" ဆိုသလိုပါပဲ။

နင့်​ကြောင့် ​​​
ခြေဖျားလက်ဖျား ​အေးစက်ရ​တာ​တွေ၊

ကိုယ်ပူချိန် တက်ရတာ​တွေဟာ
ငါ့ကိုယ်ငါ ​ပေးတဲ့ ​ဝေဒနာ​တွေပါပဲ။

အမှတ်သည်း​ခြေကြီးလွန်းတဲ့ ငါဟာ ....

အလယ်တန်းနဲ့ အထက်တန်း စာ​မေးပွဲ​တွေမှာ
သုံးကြိမ်တိတိ နင်နဲ့ အတူ ထိုင်ခဲ့ရတာ

Fresher Welcome ​အကြိုနေ့က နင့် ဆိုင်ကယ်​နောက်က လိုက်လာခဲ့တာ
​
ကော်ရစ်ဒါမှာ နင်နဲ့ ဝင်တိုက်မလို ဖြစ်ခဲ့တာ

နင်နဲ့ တက္ကသိုလ် တူလို့ ​ပျော်ခဲ့ရတာ

နင် ​ကောင်မ​လေး ရသွားလို့ ဝမ်းနည်းခဲ့ရတာ​

Welcome မှာ နင် ဆိုတဲ့ Perfect သီချင်းကို စွဲလမ်းမိသွားတာ စသဖြင့် စသဖြင့် ....

တစ်လုံး တစ်ပါဒမကျန် မှတ်မိ​နေတယ်။

ကိန်းဂဏန်း​တွေကို မမှတ်မိတတ်တဲ့ ငါဟာ
နင့်​​မွေး​နေ့ကိုလည်း မှတ်မိ​နေပြန်တယ်​လေ။

ဒီနှစ်ပိုင်း​တွေမှာ ရင့်ကျက် မာ​ကျောလာရလို့
နင့်ကို အရင်က​လောက် မတမ်းတဖြစ်​တော့​ပေမယ့်
တိုက်ဆိုင်တာ​တွေရှိရင်​တော့ သတိရတယ်။

မိုး​​​တွေရွာတိုင်း နင့်ကို လွမ်းမိ​နေတုန်းပဲ။

နင့်ကို စွန့်ပစ် ​မေ့ပစ်ရ​အောင်
မဖန်တီး​ပေးတဲ့ ကံကြမ္မာကို
​ကျေးဇူးတင်တယ်။

နင့်ရဲ့ ​​ရွေးချယ်မှုကိုလည်း ​ကျေးဇူးတင်တယ်။

အခုချိန်ထိ ကျန်းမာ ​ပျော်ရွှင်​နေ​ပေးလို့ ​ကျေးဇူးတင်တယ်။

နင်နဲ့ တစ်မိုး​အောက်ထဲမှာဆိုတဲ့
အ​တွေးက
ငါ့ကို ​နေ​ပျော်​စေတယ်။

ငါနဲ့ ​ဝေးသထက် ​ဝေး​ဝေးကို ​
​ရောက်သွားတဲ့ နင့်ကို
​ပေးနိုင်တဲ့ ​မွေး​နေ့လက်​ဆောင်က
​ဟောဒီကဗျာ​​​လေးရယ်

​ဖြူစင် လင်းသန့် သစ္စာမယွင်းတဲ့ ​​မေတ္တာပို့ ဆု​တောင်း​​တွေပါပဲ။

ငါ့ရဲ့ အတိတ်ကို ပြန်တူးဆွရင်
နင့်ကို ထည့်သွင်းထားတဲ့ အစိတ်အပိုင်းက ခပ်များများ။

နင်ဟာ ငါ့ရဲ့ ချိုမြိန်တဲ့ ငယ်ရွယ်မှု ဖြစ်ခဲ့ပါတယ်။

ကံ​​ကောင်းခြင်း​တို့ နင့်ဘဝမှာ ​ဝေဆာပါ​စေ။

​လွတ်လပ်ခြင်းတို့ နင့်ဘဝမှာ ​ပွင့်လန်းပါ​စေ။

အေးချမ်းခြင်း​​တို့ နင့်ဘဝမှာ ​မွှေးပျံ့ပါ​​စေ။

12.6.25 (Thu)




​