ပါးပြင်ထက်တွင် သံယောဇဉ်

မျက်ဝန်း တစ်စုံ
ရင်ခုံမိလေတော့
‌သခင့် ရင်ခွင်သို့
ခြေစုံပစ်ဝင်မိလေပေါ့။

ပါးပြင်မှ အနမ်း
ရွှေငွေ ချမ်းသာသည်ထက်
ကိုယ်စုံမက်လေတော့
နှုတ်ခမ်းတွင် ပါးပြင်အပ်
တခါတခါ ရင်ခုံသံဟာ
ရပ်ရပ်သွားလေရဲ့။

ဝေးကွာနေတဲ့အခါ
အလွမ်းဟာ ပေါ်ပေါ်လာတယ်
အနီးနားမှာရှိနေတော့
စွန့်လွှတ်လိုက်ရမှာ
စိုးရိမ်မိတယ်။

ပိုင်ဆိုင်ပြီးရင် စွန့်လွှတ်ရတဲ့
မမြဲသော သင်္ခါရ
သံဝေဂဉာဏ်တော့ရှိပေမယ့်
တစ်ဘဝ တစ်ခန္ဓာသာမက
တစ်သံသရာလုံး
မင်းနှင့်သာ
ဆုံးစည်းပါရစေ
ချစ်ရသူရေ ။ ။

ယောနကကျော်သူ