လွန်းနောင်
တမာတွေ ခါးမြဲ ခါးစဲ
အညာမြေ ဖျား မြဲဖျာစဲ
ဘုရားကြွမလား သိကြားမ မလားဆိုပြီး
ရွတ်ဆိုခဲ့တဲ့ တရားတွေများပြီ
အချစ်ရေးနဲ့စစ်ဘေး ဘယ်ဟာအရေးကြီးလဲဆိုတာ
စစ်ပြေးဖူးမှ သိလိမ့်မယ်
ငါကိုယ်တိုင်လည်း မသေလို..
ငါ့ချစ်သူလည်း မကြွေလို..
တံလျှပ်တွေကြား ပြေးလွှားရင်း
အရှင်လတ်လတ် ငရဲကျဖူးခဲ့ပြီ
ဘုရားဟောတဲ့ ငရဲကြီးရှစ်ထပ်မှာ
ပထမအထပ်က အညာမြေများဖြစ်နေမလား
အညာမြေလည်း အေးပါစေ
တမာတွေလည်း မွှေးပါစေ
ယမ်းနံ့သင်းတဲ့ လေပြင်းတွေ
အညာမြေမှ ကင်းပါစေ
#Naung
-လွန်းနောင်
Keep Reading