SarPhat Author
အမေဟာ ငါဆေးလိပ်သောက်တတ်နေတာကိုသိတယ်
အဖေရောပဲ သိတယ်။
အမေဟာ မီးပူတိုက်နေရင်းဆေးလိပ်မီးထိပြီးပေါက်နေတဲ့
အင်ကျီကိုတွေ့တော့လှမ်းပြောရှာတယ်။
သားရေ ဆေးလိပ်လျှော့သောက်တဲ့
ကျန်းမာရေးထိခိုက်လိမ့်မယ် ဒီလောက်ပဲ။
အမေ့ရဲ့စကားသံတွေဟာ ငါရှစ်တန်းကျောင်းသားဘဝ
ဆေးလိပ်ခိုးသောက်တာမိတုန်းကလောက်မကြမ်းတမ်းနေဘူး။
အမေ့ရဲ့မျက်လုံးတွေကလည်း
အဲဒီတုန်းကလောက်မစူးရှနေဘူး။
အဲဒီတုန်းကရိုက်ခဲ့တဲ့ အမေ့ရဲ့လက်ဟာ
အခုငါ့ကျောပေါ်ကိုမရောက်လာဘူး။
ဒါတွေက လွတ်လပ်သွားတာလား။
အရွယ်ရောက်လာခြင်းကဒီလိုလားဆိုတဲ့ အတွေးပေါင်းများစွာ။
paingzin
Keep Reading