တောင်ဇလပ် ( ပန်းဖွဲ့ကဗျာ )

" တောင်ဇလပ် "

အေးချမ်းမှုမှာပျော်မွေ့ပေမယ့်
အချိန်အခါရောက်ရင်တော့
လောကဝန်းကျင် တင့်တယ်ရအောင်ဆိုပြီး
ကြွေမှာမကြောက်လို့
စုစည်းမှုနဲ့
ရဲရဲတောက် ဝေပြဝံ့တာက
သူ့သစ္စာအလှတရားပေါ့

မောင်ချောနွယ် ကဗျာထဲကလို
ပန်းအဘိဓမ္မာမှာ...
ကြွေတာကိုက ပွင့်ခြင်းဆိုရင်
အမြင့်စံဖို့သာ..
အသင့်တဖန် ဖူးဖို့
နေရာကူးတာပါပဲ

ဟေ့..ဒီမှာ..
တောင်ဇလပ်အဆင်း
ရဲရဲနီကြောင်း
မင့်တို့..မော်ကြည့်ရဦးမယ် ။ ။

- တော်တော်တည်