"ဘာသာစကား"

လူမျိုးပေါင်းစုံ၊ နိုင်ငံမျိုးစုံ၊ ဒေသမျိုးစုံ တွေမှာသူတို့နှုတ်ကနေ ဘာသာစကားမျိုးစုံပြောဆိုကြပါတယ်။ လူတိုင်းကလဲ ဘာသာစကားဆိုတာနဲ့ နှုတ်ကပြောဆိုတာကိုပဲ မြင်တတ်ကြပါတယ်။ တရုတ်လူမျိုးဆို တရုတ်ဘာသာစကား၊ မြန်မာလူမျိုးဆို မြန်မာဘာသာစကား၊ ဂျပန်လူမျိုးဆို ဂျပန်ဘာသာစကား ဆိုတာမျိုးတွေပေါ့။ တကယ်တမ်းကတော့ ဘာသာစကားဆိုတာ ကိုယ်အမူအရာနဲ့ မျက်လုံးထဲက အကြည့်တွေထဲကနေလဲလာတတ်ပါတယ်။ မျက်လုံးချင်း စကားပြောနေပြီ ဆိုတာမျိုး ကြားဖူးကြတယ်မလား။ သူ့အမူအရာက ရိုင်းစိုင်းလိုက်တာဆိုတာမျိုး ဒါတွေကလဲ မိမိကို ပြောနေကြတဲ့ ဘာသာစကားတွေပါပဲ။ 
သတင်းတွေဖြစ်ဖြစ်၊ ကြေညာထုတ်ပြန်ချက်တွေမှာဖြစ်ဖြစ်၊ သတိပေးတာဖြစ်ဖြစ် စတာတွေကြည့်တဲ့အခါ ဘေးနားလေးမှာ လူတစ်ယောက်က အမူအရာတွေလုပ်ပြနေတာကို သတိထားမိကြရဲ့လား။ အဲ့တာက နားမကြားတဲ့ လူတွေအတွက် ဘာသာစကားဖြစ်ပါတယ်။ စကားပြောတတ်တဲ့လူတိုင်းမှာလဲ ခန္ဓာကိုယ်အမူအရာရဲ့ ဘာသာစကားပါပါတယ်။ အကြည့်တွေမှာလဲ သက်ရောက်မူတွေရှိပါတယ်။ ဒီလူက ကိုယ်ပြောတဲ့စကားကို စိတ်ဝင်စားရဲ့လားဆိုတာကကို သူ့ရဲ့အကြည့် သူ့အမူအရာကနေ လာတဲ့ဘာသာစကားကနေ သိနိုင်ပါတယ်။ ဘယ်လို လက်သင်္ကေတဆို အကူအညီတောင်းတာ၊ ဘယ်လိုအပြုအမူက ကိုယ့်ကိုမကြည်ဖြူတာ စသဖြင့် ကိုယ်ခန္ဓာကလဲ စကားပြောပါတယ်။ ဘယ်လိုအကြည့်က အမြင်ကပ်နေတာ၊ ဘယ်လိုကြည့်ရင် ဒေါသထွက်နေတာ စသဖြင့်အကြည့်တွေမှာလဲ ဘာသာစကားရှိပါတယ်ဒါကြောင့် ဘာသာစကားပြောဆိုတဲ့အခါ အမူအရာ၊ အကြည့်နဲ့ နှုတ်ကလာတဲ့ စကားတွေကို သတိမူရမှာဖြစ်ပါတယ်။ အပြောကောင်းပြီး အပြုအမူကရိုင်းစိုင်း၊ အကြည့်က အမြင်ကပ်နေတဲ့ပုံစံ ဆိုကိုယ်ဘယ်လိုပဲအပြောကောင်းနေပါစေကိုယ်ပြောတာ အလဟသဖြစ်သလို ဟန်ဆောင်နေသလို ဖြစ်နေပါလိမ့်မယ်။ စာဖတ်သရဲလေးတို့လဲ ဘာသာစကားကောင်းမွန်စွာလေ့လာတတ်အောင် ကြိုးစားကြပါနော်။

#varhanjar