ကိုယ်တစ်ယောက်တည်းမဟုတ်ဘူးဆိုတာ သတိရလိုက်ပါ

ဘဝမှာ
အခက်အခဲတွေ
ကြုံတွေ့ရတဲ့အခါ
ဒါမှမဟုတ်
စိတ်ပင်ပန်းနာကျင်ရတဲ့အခါ
ကိုယ့်ကိုယ်ကိုယ်
ဗဟိုပြုမစဥ်းစားပါနဲ့။

ကမ္ဘာကြီးကို
ဗဟိုပြုစဥ်းစားပါ။

ကိုယ့်ကိုယ်ကိုယ်
ဗဟိုပြုစဥ်းစားတဲ့ခါ
ငါ့ကျမှ ကံဆိုး​လိုက်တာ
ငါ့မှာမှ ဖြစ်ရလေခြင်းဆိုတဲ့
ကျဥ်းမြောင်းတဲ့
အတွေးတွေထဲမှာ ပိတ်မိပြီး
ဒဏ်ရာတွေက လျော့ပါးမသွားဘဲ
ပိုနာကျင်ခံစားရတတ်ပါတယ်။

ကမ္ဘာကြီးကို
ဗဟိုပြုစဥ်းစားတဲ့ခါ
ငါဆိုတာ
ကမ္ဘာကြီးနဲ့စာရင်
အစက်အပြောက်ကလေးတစ်ခုပဲ
မြူမှုန်လေးတစ်ခုပဲ
ငါ့မှာဖြစ်နေတဲ့
ပြဿနာတွေဟာလည်း
ဒီကမ္ဘာကြီးထဲမှာ
အတူရှိနေတဲ့ လူတိုင်းမှာ
ကြုံတွေ့နေရတာတွေပဲ
အားလုံး​မှာ
အခက်အခဲ
ကိုယ်စီရှိနေကြတာပဲလို့
တွေးလိုက်တဲ့အခါ
ကိုယ်ရဲ့ဒဏ်ရာတွေဟာ
အနည်းအကျဥ်းတော့
လျော့ပါးသက်သာသွားတယ်။

ဒါကြောင့်မို့
အဆင်မပြေမှုတွေ ကြုံလာတိုင်း
စိတ်ပင်ပန်းရတဲ့အခါတိုင်းမှာ
ကိုယ်တစ်ယောက်တည်းမဟုတ်ဘူးဆိုတာ
သတိရလိုက်ပါ။
စိတ်သက်သာရာ ရသွားပါလိမ့်မယ်။

#စောမြတ်နွယ်